Saıasat • 28 Qańtar, 2025

Grekııada sharýalar sherýge shyqty

70 ret
kórsetildi
1 mın
oqý úshin

Grekııanyń Kardısa qalasynda sharýalar bas kóterdi, dep habarlaıdy Egemen.kz.

Grekııada sharýalar sherýge shyqty

Foto: Thanassis Stavrakis

Olar júzdegen traktormen eldiń soltústigi men ońtústigin baılanystyratyn kúrejoldy jaýyp tastaǵan. Parlament ǵımaratynyń aldyna 200-ge jýyq traktordy tizip qoıǵan.

Keıingi jyldary grek sharýalary aptap ystyq, sý tasqyny jáne órt sııaqty tabıǵı apattardan qatty zardap shegip, úlken shyǵynǵa batty. Úkimet tótenshe jaǵdaıǵa tap bolǵan kásipkerlerge tıisti kólemde kómek kórsete almaı otyr. О́nimge baǵa tómendegen, óndiris shyǵyny ulǵaıǵan jáne ımporttyq taýarlarmen básekelestik kúsheıgen. Sharýalar osy qıyndyqtarmen kúreste úkimet kómektespeı otyr deıdi.

Aıta keteıik, byltyr aqpanda grek belsendileri traktorlaryn el astanasy Afınaǵa deıin aparyp, parlament aldynda sherý ótkizgen bolatyn. Biraq másele áli sheshimin tappaı keledi.


Sońǵy jańalyqtar

Nesıe alý nege qıyndady?

Qoǵam • Búgin, 17:38

Jetisý oblysynyń turǵyndaryna jer silkinisi sezildi

Tótenshe jaǵdaı • Búgin, 17:22