Foto: Ashyq derekkóz
Úkimet basshysynyń 2024 jyly QazMunaıGaz Qyzylorda, Atyraý jáne Aqtóbe oblystarynda tórt joba boıynsha burǵylaý jumystary bastaǵanyn atap ótti. Bul jobalardyń jıyntyq geologııalyq resýrstary munaı ekvıvalenti boıynsha 800 mıllıon tonnadan asady.
Sonymen qatar bıyl alǵashqy otanndyq taqtatas munaıy óndiriledi dep kútiledi. Bul munaı men gaz salasyna ınvestısııalar tartý úshin qosymsha serpin bermek.
«Shıkizat qory shamamen 19 mlrd tekshe metr gazdy quraıtyn «Batys Prorva» jáne «Barhannaıa» ken oryndarynda gaz óndirý jumystary bastalady. Qaraǵandy oblysynda jerde sırek kezdesetin metaldardyń 17 túri bar iri ken orny tabyldy. Sonymen qatar osy Qaraǵandy oblysynda elektromobılderge arnalǵan batareıalar óndirisinde qoldanylatyn grafıt konsentratyn óndirý boıynsha tehnıkalyq-ekonomıkalyq negizdeme ázirlenip jatyr», dedi Oljas Bektenov.
Oljas Bektenov Qashaǵan men Jańaózende Gaz óńdeý zaýyttarynyń qurylysy áli de jalǵasyp jatqanyn aıtty.
«Qashaǵandaǵy ekinshi Gaz óńdeý zaýyty men Qarashyǵanaqtaǵy Gaz óńdeý zaýytynyń jobalaý jumystaryn bastaý úshin ınvestısııalyq sheshimderdiń qabyldanýyn kútip otyrmyz», dedi Úkimet basshysy.
Buǵan qosy Oljas Bektenov jalpy Úkimettiń baqylaýynda eki júzden astam perspektıvaly joba turǵanyn tilge tıek etti.
«Alaıda, jekelegen oń nátıjelerge qaramastan, qazirgi ekonomıkalyq ósý qarqyny baıaý ekenin kórip otyrmyz. Qazaqstannyń ónerkásiptik áleýeti budan áldeqaıda joǵary. Ol men aıtqan jobalardan da kóp bolýǵa tıis. Biraq ol úshin elimiz qomaqty ınvestısııalyq kapıtal jasaqtap alýy kerek», dedi O.Bektenov.
