Foto: Aqorda
Prezıdenttiń pikirinshe, aýyldyq aımaqtardy jan-jaqty damytýǵa arnalǵan memlekettik qoldaý sharalarynyń bárin bir baǵdarlamaǵa biriktirý durys sheshim bolmaq, ıaǵnı «Aýyl amanaty», «Aýyl – el besigi» jáne taǵy basqa baǵdarlamalar.
«Úkimet pen ákimderden jańa, júıeli ári tyń tásilder kútemin. Jalpy, aýyl sharýashylyǵynda sheshilmegen máseleler az emes. Fermerler, sarapshylar túrli túıtkilder týraly jazyp jatyr. Mysaly, bordaqylaý oryndary malsyz, jartylaı bos tur, sebebi, mal kórshi elderge tómen baǵamen satylyp jatyr. Aýyldaǵy aǵaıynnyń turmys sapasyna yqpal etetin barlyq máselege basa mán berý qajet», dedi Qasym-Jomart Toqaev.
Sonymen qatar aýyl halqy qarjylyq jáne memlekettik qyzmetterden qol úzip qalmaýy kerek ekenin aıtyldy. Aıta keteıik, qazir bul mindet, negizinen, «Qazposhta» arqyly oryndalyp jatyr.
Bul rette Prezıdent Úkimetke ákimdiktermen birlesip, poshta bólimsheleriniń shalǵaı eldi mekenderde úzdiksiz jumys isteýin qamtamasyz etýdi tapsyrdy.
