Foto: polisia.kz
Ishki ister mınıstrligi baspasóz qyzmetiniń habarlaýynsha, osydan tórt jyl buryn Túrkistan oblysy Tólebı aýdanynyń turǵyny polısııaǵa 16 jasar qyzynyń joǵalyp ketkeni týraly aryzben habarlasqan. Aqparatty alǵan tártip saqshylary barlyq qajetti jedel-izdestirý sharalaryn júrgizdi. Arada birneshe jyl ótse de, aýdan turǵynynyń aryzy boıynsha izdeý jumystary jalǵasyp, nátıjesinde 2025 jyldyń qańtarynda bir-birinen aıyrylǵan anasy men qyzy qaıta qaýyshty.
Bul qyzyn saǵynǵan ana úshin qýanyshty jaǵdaı boldy.
«Qyzymnan habarsyz qalyp, nendeı jaǵdaıda ekenin bile almaı júrgen kúnder artta qaldy. Kóp raqmet sizderge. Arasynda ózderińizge de senimsizdik bildirgen edim, búgin mine úmitim aqtalyp otyr. Sizderge alǵysym sheksiz», degen anasy kóńildegi shynaıy rızashylyǵyn jetkizdi.
Belgili bolǵandaı, polıseıler qyzdy Almatydaǵy qoǵamdyq tamaqtaný oryndarynyń birinde jumys istep júrgen jerinen tapqan. Búginde qyzdyń osynsha ýaqyt qaıda, ne sebeppen habarsyz ketkenin anyqtaý sharalary júrgizilip jatyr. Polıseıler osy jaıt boıynsha muqııat tergeý júrgizip, oqıǵanyń tolyq mán-jaıyn anyqtaıtyn bolady.
