- Boksshy Mereı Aqshalov elimizdiń boks federasııasynyń (QBF) bas hatshysy bolyp taǵaıyndaldy. Ol 2008 jyly Beıjiń Olımpıadasyna qatysty. Biraq tórtjyldyqtyń basty dodasynda tóreshilerdiń qıturqy oıynynyń qurbany boldy. Bul jaǵdaı daryndy boksshynyń saǵyn syndyra alǵan joq. 2013 jyly Aqshalov eki birdeı baıraqty básekede bas júldeni qanjyǵasyna baılady. Almatyda álem, Ammanda Azııa chempıony atandy. Mereı bul kúnderi kásipqoı rıngte atoı salyp júrgen Meıirim Nursultanovtyń týǵan aǵasy ekenin de eske sala ketken jón.
- Shaıbaly hokkeıden Latvııada ótip jatqan qyzdar arasyndaǵy (U-18) álem birinshiliginde elimizdiń quramasy kezekti iri jeńisine qol jetkizdi. Bul joly Nıderlandty 10:0 esebimen oısyrata utty. Báseke barysynda Zlatosveta Feoktıstova poker jasasa, Sofııa Mýraveva het-trık avtory atandy.
- Túrkııanyń Antalıasynda ótken ITF W15 týrnırinde germanııalyq Joel Lıllı-Sofı Stoırmen jup qurǵan daryndy tennısshi Sandýǵash Kenjebaeva bas júldeni oljalady. Fınalda olar Asyljan Arystanbekova (Qazaqstan)/Darıa Shadchneva (Reseı) jubyn 3:6, 6:4, 10:2 esebimen utty.
- Reseıdiń Ekaterınbýrginde RCC lıgasy jalań qolmen judyryqtasýdan halyqaralyq týrnır uıymdastyrdy. Jarysta Torǵynbek «Tor» Ámirov kúsh synasty. Úshinshi raýndta jergilikti faıter Matveı Tıkıdjıevti nokaýtqa jibergen qandasymyz asa jeńil salmaqtyń chempıondyq belbeýimen qatar, 1 mıllıon rýbl kóleminde aqshalaı syılyqqa ıe boldy.
- Ispanııanyń Kastellon men Onda qalalary (171,7 shaqyrym) aralyǵyn qamtyǵan «Rýta de la Seramıka» jarysyn «Astananyń» namysyn qorǵap júrgen fransııalyq veloshabandoz Kleman Shampýssen úshinshi orynmen qorytyndylady. Portýgalııalyq Antonıo Morgado («UAE Team Emirates-XRG») jarys jeńimpazy atansa, ýrýgvaılyq Erık Fagýndez («Burgos Burpellet BH») ekinshi oryndy ıelendi.
- Portýgalııanyń Oeırash qalasynda ótken «Chellendjer» dodasynda elimizdiń birneshe tennısshisi baq synady. Olardyń arasynan eń úzdik kórsetkishke Beıbit Juqaev qol jetkizdi. Bastapqy básekelerde nıderlandtyq Mık Veldherdi, germanııalyq Krıstof Negrıtti, portýgalııalyq Gashtaý Elıashty, óziniń otandasy Dmıtrıı Popkony jeńgen B.Juqaev shırek fınalda estonııalyq Mark Laıalǵa jol berdi – 7:5, 6:7, 4:6.
- Uzaq jyl boıy fýtzaldan Almatynyń «Qaıraty» men elimizdiń ulttyq quramasyn jattyqtyryp, bıik belesterdi baǵyndyrǵan Kakaý kúni keshe ǵana BAÁ quramasynyń bas bapkeri bolyp taǵaıyndaldy. Bizdiń elden ketkennen soń brazılııalyq maman Kýveıtte eńbek etti. Sol komandamen birge Batys Azııa kýbogin jeńip aldy. Odan keıin Irak quramasy men Rýmynııanyń «Iýnaıted Galatı» klýbtaryn baptady.
- Qurlyqtyq hokkeı lıgasynda (QHL) kúsh synasyp júrgen «Barys» qatarynan 12 oıynda utylyp, óz jankúıerlerin jerge qaratqan edi. 13-kezdesýinde astanalyqtar áıteýir áýpirimdep júrip, kózdegen maqsatyna qol jetkizdi. О́z muz aıdynynda Novosibirdiń «Sıbır» klýbyn qabyldaǵan jerlesterimiz overtaımda 4:3 esebimen jeńiske jetti. Bul básekede Nıkıta Setdıkov het-trık jasasa, taǵy bir shaıbany Vıktor Antıpın soqty.
- 28 qańtar – 1 aqpan aralyǵynda Saýd Arabııasynda «AlÝlaTýr» kópkúndigi ótedi. Atalǵan alamanda «Astananyń» namysyn Evgenıı Fedorov, Anton Kýzmın, Alessandro Romele, Nıkolıa Vınokýrov, Aleksandr Vınokýrov, Lev Gonov, Per-Anrı Basset syndy veloshabandozdar qorǵaıdy.
