Infografıkany jasaǵan – Záýresh SMAǴUL ,«EQ»
Bul rette Memleket basshysynyń energetıka salasyndaǵy «jasyl kún tártibi» qaǵıdattaryn elimizdiń jalpy elektr qýatyn óndirýdi ulǵaıtýdaǵy ózekti qajettilikterimizben ushtastyrý boıynsha pragmatıkalyq usynysyn atap ótken jón. Bul máseleni tez arada kómirge negizdelgen elektr stansalarynyń jańa túrlerin paıdalaný arqyly ǵana sheshe alamyz. Iаǵnı mundaı shara atom elektr stansalary salynǵansha qazirgi energııa tapshylyǵyn azaıtýdyń utymdy tásili bola alady. Bolashaqta elektr energııasyn óndirýde profısıtke qol jetkizýge múmkindik beredi.
Álemdik tájirıbede mundaı tásildi qoldaný iri derjavalardyń saıasatyndaǵy úderisine saı keledi. Oǵan qosa, qazirgi halyqaralyq kún tártibin eskersek, elimiz mundaı sharalardy nazardan tys qaldyra almaıdy. Demek, munyń astarynda pragmatıkalyq mán jatyr.
Batys Qazaqstannyń energetıkalyq júıesin bir júıege biriktirý jáne ońtústik energojelisin nyǵaıtý máselesi de óte ózekti. Buryn elektr jelileri men energetıkalyq júıeler terrıtorııalyq bólinýdi eskermeı salynǵan. Nátıjesinde, otandyq jeliniń bir bóligi Reseıge, ekinshisi Ortalyq Azııa respýblıkalaryna baılandy. Bul kórshiles memleketterge táýeldilikti, sonymen qatar el ishinde energııa aǵyndaryn jiberip alý máselelerin týdyrdy. Ásirese, bul jaǵdaı 2023 jylǵy shildede Batys Qazaqstanda elektr qýaty úzilip, sonyń saldarynan Mańǵystaý men Atyraý oblystary jaryqsyz qalǵan kezde aıqyn kórindi. Sondyqtan birtutas ulttyq energııa tasymaldaý jelisi negizinde turaqty profısıttik elektrenergetıkalyq keshen qalyptastyrý boıynsha Prezıdent tapsyrmalaryn júzege asyrý – energetıkalyq qaýipsizdikti nyǵaıtýǵa jáne ekonomıkanyń turaqty ósýine jaǵdaı jasaýǵa múmkindik beredi.
Qorlan Júsipbaeva,
Eýrazııalyq ıntegrasııa ınstıtýtynyń sarapshysy
