Foto: Qazaqstan boks federasııasy
Vel Barker kýbogi - Olımpıada oıyndaryndaǵy úzdik boksshyǵa beriletin qundy syılyq.
Qazaqstan boks federasııasy B.Artaev ózine tıesili júldeni birneshe jyl buryn halyqaralyq uıymǵa tapsyryp, osy másele sheshimin tappaı kelgenin málimdedi.
Federasııanyń aralasýymen Vel Barker Kýbogi óz ıesin qaıta tapqan.
«Qazaqstan boks federasııasy álemdik sporttaǵy qundy jádiger sanalatyn júldeni qaıtarý úshin naqty qadamdar jasady. Astanada ótken kezdesýde Qazaqstan boks federasııasynyń prezıdenti Shahmurat Mútálip bokstan Olımpıada chempıony Baqtııar Artaevqa júldeni tabystady», delingen habarlamada.
