ÚKIMET

Kásip jáne násip Álemniń ámirshisi – eńbek! Eńbek – sheshýshi ulttyq faktor! Eńbek – áleýmettik jańǵyrtýdyń jahandyq trendi! Elbasy «Qazaq­stannyń áleýmettik jańǵyrtylýy: Jalpyǵa Ortaq Eńbek Qoǵamyna 20 qadam» maqalasynda osylaı atap ótti. Ondaǵy Jalpyǵa Ortaq Eńbek Qoǵamy ıdeıasyn Eńbek Adamyna jasalyp otyrǵan qamqorlyq, onyń bedelin kóterýge, quqyqtary men bostandyqtaryn belsendi qorǵaýǵa baǵyttalǵan áleýmettik ornyqty saıasat retinde qabyl alǵan soltústikqazaqstandyqtar da jemis eńbekpen ǵana keletinin, bar qıyndyq mańdaı termen ǵana eńseriletinin, ár adam ózi­niń qolynan keletin sharýa­men aınalysqanda ǵana shynaıy shyǵarmashylyq, qoǵamdyq bel­sendilikke keń jol ashylatynyn jaqsy túsinedi. Búgingi kúni Mem­leket basshysy júktegen min­detterge sáıkes adal eńbekke yntalandyrýdyń kózderin tabý, jańa jumys oryndaryn qurý, óndiris salalaryn ashý arqyly paıdaly qoǵamdyq eńbekke tartý, eń bastysy, adamdardy masyldyq, áleýmettik ınfantılızm sekildi toǵysharlyq qasıetterden arylta otyryp, Otanǵa paıdaly ispen shuǵyldanýǵa ıkemdeýdiń mán-mańyzy aıtpasa da túsinikti. Aımaq basshysy Erik Sultanov jańa jyldaǵy alǵashqy jumys saparyn shalǵaıdaǵy aýdandardan bastap, ujymdardaǵy ashyq áńgime osy turǵydan órbidi. Ǵ.Músirepov – óńirdegi eń iri astyqty aýdandardyń biri. Munda san alýan kásip túrlermen aınalysyp, otbasyn asyraýshylardyń qatary jyl ótken saıyn kóbeıip keledi. Ásirese, mádenıet, sport salasyndaǵy qadamdar súısin­diredi. «Batyr» sporttyq-saýyq­tyrý keshenin salýǵa jekelegen ınvestorlar 110 mıllıon teńge quıyp, byltyr Táýelsizdik merekesi qarsańynda paıdalanýǵa berdi. Nátıjesinde 15 adam jumyspen qamtyldy. Qazir sý basseıni, oıyn zaldary, djakýzı, saýna jumys isteıdi. Keshen kúnine 150 adamdy qabyldaýǵa qaýqarly. Sý jolaǵynyń uzyn­dyǵy – 25 metr. Eki nusqaýshy 7 saýyqtyrý tobyn jattyqtyrady. Jaqynda iske qosylǵan «Qulager» dene shynyqtyrý-saýyqtyrý ortalyǵyn turǵyzýǵa 266 mıllıon teńge jumsalǵan. Nysanda bas­ketbol, voleıbol, shaǵyn fýtbol, trenajer, jeńil atletıka, boks, kúres, 160 adamǵa laıyqtalǵan kórermender zaldary bar. 25 adam turaqty jumysqa ornalasqan. Ákim salamatty ómir saltyn serik etken sportshylarmen kezdesip, júgirý jolaǵyn tartý etti. E. Sultanovtyń Rýzaev aýyldyq okrýgi turǵyndarymen kezdesýinde Joldaý qaǵıdattary, Prezıdent tapsyrmalary, áleýmettik jań­­­ǵyr­­tý saıasatynyń basym baǵyt­tary jan-jaqty túsindirildi. Okrýg ákimi Igor Kobıalko óńir­lerdi damytý baǵdarlamasy sheń­berinde kóshelerdiń jaryq­tan­dyrylǵanyn, «Sybaǵa» baǵdar­lamasy boıynsha asyl tuqymdy maldar satyp alynǵanyn, «Altyn asyq», «Qulan» jobalaryna qyzy­ǵýshylyq artyp kele jat­qanyn, aýdan ákimi Vladımır Dýdov turǵyndardyń 91 pa­ıyzy ortalyqtandyrylǵan sý júıesin tutynatynyn málimdedi. Oblys ákimi óz sózinde Rýzaevka- Aıyrtaý baǵytyndaǵy joldardy jóndeý odan ári jalǵasatynyn, bul maqsat úshin 320 mıllıon teńge qarastyrylǵanyn jet­kizdi. О́ńirde 25 eldi mekende sý máselesi óte ótkir tur. Qazir jobalyq-smetalyq qujattar daıyndalýda. Tizimde osy okrýgke qarasty Chernobaevka aýyly da bar. Odan ári jergilikti bılik aldyna ortasha aılyq jalaqy mólsherin kóterý, iri qara malynyń eksporttyq áleýetin arttyrý, bordaqylaý alańdaryn qurý, ásirese, «Bıznestiń jol kartasy-2020» baǵdarlamasynyń múmkindikterin keńinen paıdalaný sekildi birqatar talaptar júktedi. Ákim Aıyrtaý aýdanyndaǵy jumys saparynda aldymen qus ósirip, kól-kósir tabys taýyp otyrǵan «Imantaý» JShS-ne soqty. Seriktestik baǵymynda 13700 úırek pen 8300 qaz bar. Budan tysqary jumyrtqa, qus­tyń balapandaryn da satady. Sharýashylyq asyl tuqymdy mártebege ıe. Qysta jumysqa 50 adam tartylsa, jaz aılarynda tipti kóbeıedi. Aýyldaǵy sý qubyry 8 shaqyrymǵa uzartylyp, 67 úı taza aýyz sýǵa qosylǵan. Demeýshilerdiń qoldaýymen 20 baǵanaǵa sham ornatý jospar­lanǵan. Aýdan ákimi Aǵzam Taste­mirov byltyr 2420 adamnyń jumys tapqanyn, kúnkórisi tómen 69 otbasyǵa áleýmettik kómek kór­setilgenin tilge tıek etti. «Jumyspen qamtýdyń jol kartasy-2020» baǵdarlamasyna 470 adamnyń qatysyp, birinshi baǵyt boıynsha 5 ınfraqurylymdyq joba iske qosylǵan. Agroqurylym jetekshileri 2 myńǵa jýyq iri qara malyn satyp alýǵa ótinim bergen. Bıyl jalpy quny 1 mıllıard teńgege jeteǵabyl 2 elevator salý, burynǵy irimshik zaýytyn qalpyna keltirý kózdelgen. Avtomobıl joldaryna kel­sek, bul baǵytta aýdanda atqary­latyn jumys kóp. Elbasy tap­syrmalarynyń biri – jol jaıyn jaqsartý. Bıyl oblys­ta 300 shaqyrym jolǵa jańa teh­nologııa qoldanylady, deı kelip, aımaq basshysy Elbasynyń ındýstrııalyq-ınnovasııalyq damýdan tys eshqandaı jańǵyrtý múmkin emes degen sózderin mysal­ǵa keltirdi. E.Sultanov oblys orta­ly­ǵyndaǵy qaıta jańǵyrty­lyp, jańadan salynyp jatqan nysandarda bolyp, basshylyq nazaryn ózin ózi jumyspen qamtyǵandardyń biraz bóligin quraıtyn turaqty jumysy joq, biraq eńbekke qabiletti adamdarǵa barlyq jaǵdaı men múmkindikti qarastyrýǵa, jańa nysandardy turǵyndar neǵurlym kóp shoǵyrlanǵan jerlerde qurýǵa aýdardy. Bul turǵydan alǵanda, «Altyn Arman» bazaryndaǵy ıgi ister barshylyq. Saýda alańy 6 myń sharshy metrge ulǵaıtylyp, 360 jańa oryn qosylǵan. Ekinshi qabat qalpyna keltirilip bitkennen keıin dalada saýda jasalmaıtyn bolady. Jaıly býtıkter qoljetimdi baǵaǵa jalǵa beriledi. Qala turǵyndaryn jumyspen ári arzan taýarlarmen qamtamasyz etip kele jatqan kóterme-saý­da ortalyǵyn 12 myń sharshy metr­di quraıtyn jańa jerge kóshirý belgilengen. Budan tys­qary «Soltústik» áleýmettik-kásip­ker­lik AQ jergilikti kompa­nııanyń qar­jylyq qoldaýymen taǵy bir kóterme-saýda kesheni turǵyzylmaq. Osylaısha, kásibin dóńgelentip, násibin aıyratyn jandar úshin el ıgiligi jolyndaǵy eńbek estafetasy toqtaýsyz jalǵasa beretin bolady. О́mir ESQALI, «Egemen Qazaqstan». Soltústik Qazaqstan oblysy. Sýretterdi túsirgen Talǵat TÁNIBAEV.

Alǵa basqan «Anısan»

Aýyldyq jerlerde shaǵyn jáne orta bıznestiń damýyna «QazAgro» holdıngine qarasty «Aýyl sharýashylyǵyn qarjylaı qoldaý qory» aksıonerlik qoǵa­my anaǵurlym yqpal etýde. Aksıonerlik qoǵamnyń Aqtóbe fılıalynyń dırektory Gúlja­nat Erǵazınanyń aıtýynsha, búgingi tańǵa deıin oblysta atalǵan qor tarapynan jalpy somasy 1,8 mıllıard teńge bolatyn 752 jobaǵa qoldaý kórsetilgen. Búginde «Aýyl sharýashylyǵyn qarjylaı qoldaý qory» AQ jeti baǵdarlama boıynsha jumys jasaıdy. Olardyń ishinde «Eginjaı» – kóktemgi egin egý jáne egin jınaý jumystaryn júrgizýge agroónerkásip sýbektilerin nesıeleý, «Sátti» – Islam damý bankimen birlese júzege asyrylatyn negizgi qural-jabdyqtar satyp alýǵa arnalǵan, «Kásipker» – aýyldyq jerlerde aýyl sharýa­shylyǵyna jatpaıtyn bıznes túrlerin, sonyń ishinde saýdany da nesıeleý baǵdarlamalary bar. «Aýyldyq ıpoteka» baǵdar­lamasy aıasynda aýyldyq jerge jumys jasaýǵa barǵan jas mamandarǵa turǵyn úı salý nemese satyp alý maqsattaryna jyldyq mólsherlemesi 0,01 pa­ıyz bıýdjettik nesıeler beriledi. «Jumyspen qamtýdyń jol kartasy-2020» jáne monoqalalardy damytý baǵdarlamalary júzege asyryla bastady. Oblys bo­ıynsha bul baǵdarlamaǵa Hromtaý qalasy kiredi. Bolashaqta Hrom­taý monoqalasynda iri jobalar júzege asyrylady dep kútilýde. Jyl aıaǵynda qolǵa alynǵan «Yrys» baǵdarlamasy boıynsha sútti mal sharýashylyǵyn damytý baǵytynda otbasylyq taýarly-sút fermalar jelisin qurý jumystary júrgizilýde. Iаǵnı, azamattar iri qara, tehnıka men jabdyqtar satyp alýǵa 60 mıl­lıon teńgege deıin nesıe ala alady. Ol 7 jyl merzimge 4 paıyz­dyq jyldyq stavkamen beri­ledi. Búginde atalǵan baǵdarlama boıynsha eki joba qolǵa alynǵan. Sonyń biri Temirbolat Súıi­ná­lın basqaratyn «Anısan»» sharýa qojalyǵy. Sharýa qoja­lyǵy oblys ortalyǵyna taıaý Blagodarnyı selolyq okrýgi aýmaǵyna ornalasqan. Bul buǵan deıin de sharýasyn dóńgelentip, yrǵaqty jumys isteıtin sha­rýashylyq qurylymy retinde tanylǵan-dy. Sondyqtan da bolar, onyń nesıe alýǵa degen tala­by birden qoldaý tapty. Endi mine, kásipkerligin keńeıtý úshin «Aýyl sharýashylyǵyn qar­jylaı qoldaý qory» AQ-tyń aı­maq­tyq fılıalynyń «Yrys» baǵ­darlamasy aıasynda nesıege qol jetkizip otyr. Biz «Anısan» sharýa qojalyǵynda bolǵanda sharýaqorlyqtyń qoltańbasyn ańǵardyq. Mal jyp-jyly, taza qoralarda ustalýda, jemshóbi jetkilikti. Sharýa qojalyǵynyń basshysy Temirbolat Súıinálınniń málimdeýinshe, munda o basta eski, azyńqyrap ketken turǵyn úı men buzaý ustaıtyn qora ǵana bar qystaq bolǵan kórinedi. Olardy satyp alǵan ol birte-birte qurylys salyp, sharýasyn júıeleı túsken. Sonyń bárinde ákesi Tilektes aqyl aıtyp, keńes berip otyrǵanyn da jasyrmaıdy. Tilektes aǵa kezinde aýyl sharýa­shylyǵy salasynda eńbek et­ken, tájirıbesi mol, sharýanyń uty­ryn biletin azamat. Sóıtip sharýa qojalyǵy qalyptasa bastaǵan soń ózimen nıettes birneshe otbasyn malshylyqqa tartqan. Bas­tapqyda sharýa qojalyǵy ettik baǵyttaǵy mal ósirýdi qolǵa al­ǵan eken. Keıin ony ártarap­tan­dyrýdyń qajettigin ýaqyttyń ózi alǵa tartqan. – Júre-bara bulaı bir ba­ǵytta jumys isteý tıimdi bola ber­meıtinin túsindik. Qala qasymyz­da, suranys bar, ótimdi ónim – sút óndirsek qaıtedi degen oı­ǵa keldik. Mundaı múmkin­dikti qoldan shyǵaryp almaıyq dep 2011 jyly alǵan nesıe qar­jy­myz­ǵa Qostanaı oblysynan 200 sıyr satyp aldyq. Tabyndy óz tóli esebinen tolyqtyrý úshin Orynbor oblysynan asyl tu­qym­dy buqa satyp aldyq. Maldy us­taý úshin qoralar sal­dyq, qa­jetti ınfraqurylym júr­giz­dik, jemshóp bazasyn jasa­dyq. Jumysshylarǵa eńbek etýge qo­laıly jaǵdaı týǵyzdyq, – deıdi Temirbolat inimiz bitken iske degen rızashylyǵyn jasyrmaı. Áńgime barysynda ańǵar­ǵany­myz, sharýa qojalyǵy 2001 jyly qurylǵan. 2006 jyldan bastap mal tuqymyn asyl­dandyrý jáne suryptaý jumystary júrgizilip keledi. Munda alǵashqy zootehnıkalyq jáne mal tuqymyn asyldandyrý esebi retke keltirilgen, mal ustaýǵa tolyq jaǵdaı jasalǵan. Qazir sharýashylyqta súttik baǵyt­taǵy asyl tuqymdy qara ala sıyr, jylqy jáne qoı ósiriledi. Sharýa qojalyǵy múmkindiginshe eginshilikpen de aınalysady. Kúni keshegi qaraýsyz qalǵan shopan qystaǵyn qazir kórerge kóz kerek. Munda malshylar otbasylary turatyn turmystyq qolaıly jaǵdaıy bar bes tur­ǵyn úı salynyp, paıdalanýǵa berilgen. Olardyń barlyǵyna sý qubyry júrgizilgen. Sharýa qojalyǵynyń óziniń monshasy, ashanasy, tehnıka jóndeıdin boksy bar. Osynyń barlyǵy tek qaraqan basyn ǵana emes, áriptesterin oılaýdyń nátıjesi. Muny «Eńbek et te, mindet et» degendi jadynan shyǵarmaıtyn sharýa qojalyǵynyń jetekshisi Temirbolattyń temirdeı usta­natyn qaǵıdasy desek artyq aıtqandyq bola qoımas. Sondyq­tan munda jumysshylar turaqty, jumys tabysty. Malshylar jaq­­sy eńbekaqy alady, ózderi de mal ustaıdy degendeı, tur­mystary táýir. Jumystyń maýsymdylyǵyna qaraı munda 20 adamǵa deıin eńbek etedi. Sharýa qojalyǵynyń basshysy Temirbolat Súıinálınniń aıtýynsha, qystaqqa taıaý ýaqytta gaz qubyry da júrgizilmek. Elektr qýaty bar, uıaly baıla­nys ustaıdy, teledıdar kórse­tip tur. Bul degeniń sharýa qojalyǵynda eńbek etetinder barlyq turmystyq ıgilikterdi tolyǵymen kóre alady degen sóz. Jeńildikpen nesıeleýdiń jańa baǵdarlamasy sharýa ada­­myn memleket tarapynan qoldaý­dyń naqty kórinisi boldy. Ol endi burynǵydan góri de keń aý­qymda jumys isteýge talapta­nýda. Sharýa qojalyǵy sút óndirisin keńeıtýge baǵyt ustaýda, kórshiles Reseıden asyl tuqymdy qasharlar satyp alyp, saýyn tabyndaryn kóbeıtýdi josparlaýda. Qazir qolda bar mal qoralary ol maldy ustaýǵa múmkindik beredi. Ústimizdegi jyly sharýaqor jigit taǵy bir mal qorasyn salýdy kózdep otyr. О́tken jyly qazan aıynda «Anısan» sharýa qojalyǵy 50 bas iri qara jáne tehnıka satyp alýǵa 30,5 mıllıon teńge qaryz aldy. Sóıtip sharýa qojalyǵy oǵan osy zamanǵy sút salqyndatqysh qondyrǵy satyp alyp, ornatty, traktor parkin tolyqtyrdy. Qazirdiń ózinde sharýa qojalyǵynda 700 bas iri qara ustalýda. Sonyń teń jartysy súttik baǵyttaǵy sıyrlar. Munda óndirilgen sút qaladaǵy «Molochnye tovary» JShS óńdeý ornyna tikeleı tapsyrylady. Bul seriktestikpen eki arada áriptestik qarym-qatynas qalyptasqan. Qazir sharýa qojalyǵynda mal qystatý oıdaǵydaı ótýde. Qysqa mal qoralaryn saqadaı-saı jóndep, sharýanyń etek-jeńin jınap, jemshóbin jet­kilikti daıyndap túsken sharýa qojalyǵynyń ujymy qys qaharynan qaımyqpaı eńbek etýde. Buǵan olardy ilgeri kúnge belgilegen josparly jumystary da jumyldyra túsedi. Yntymaq bar jerde yrystyń da molaıa túseri sózsiz. Bul baǵytta «Anısan» sharýa qojalyǵynyń ózgelerge ónege bolarlyq isteri jeterlik, árıne. Eń bastysy, azyq-túlik molshylyǵyn jasaýǵa úles qosýdy mejelegen sharýalar izdenispen jumys isteýge talap qylýda. Munyń ilgerileýge iz asharyna senim mol. Satybaldy SÁÝIRBAI, «Egemen Qazaqstan».  Aqtóbe oblysy. Sýrette: «Anısan» sharýa qojalyǵynyń basshysy Temirbolat Súıinálın.

Sálemdemeńizdi sát saıyn qadaǵalaı alasyz

Jambyl jerinde alǵash ret poshta bólimshesi 1871 jyly ashylǵan eken. Ol Áýlıeata ýeziniń poshta jáne telegraf baılanys bólimshesi dep atalypty. «Qaı ýaqytta bolsa da poshta qyzmetiniń mańyzy óte zor. Aradaǵy 150 jylǵa jýyq ýaqyt ishinde Jambyl oblysyndaǵy poshta salasy múldem jańardy. Aýqymy keńeıip, qyzmeti kóbeıdi», deıdi osy salanyń ardageri Jaqsylyqbaı Tájibaev. Shynynda, «Qazposhta» AQ Jambyl oblystyq fılıaly úlken ınfraqurylymdyq kompanııanyń mańyzdy tarmaqtarynyń biri bolyp tabylady. 34 qalalyq, 10 aýdandyq, 156 stasıonarlyq jáne 3 jyljymaly aýyldyq poshta baılanys bólimshelerinde jáne 25 poshta baılanys pýnktterinde 1062 adam qyzmet etedi. Sonymen qatar, oblys pen aýdan  turǵyndaryna qyzmet kórsetý sheńberin keńeıtý maqsatynda 31 kommýnaldyq, salyq jáne basqa tólemder qabyldaý pýnktteri qurylǵan. Halyqqa poshtalyq jáne qarjylyq qyz­met kórsetý sapasyn arttyrýdy basty maqsat tutqan «Qazposhta» qazirgi talaptarǵa saı qalalyq jáne aýyldyq poshta baılanys bólimshelerin jańadan jabdyqtap jatyr. Sonyń biri retinde «Úlgili qalalyq posh­ta baılanys bólimshesi» retinde osy aptada tusaýy kesilgen №19 poshta bólimshesin aıtýǵa bolady. Taraz qalasynyń qaq ortasynan oryn tepken bul bólimshe tóńirektegi bes shaǵyn aýdannyń halqyna qyzmet etedi. Bir ereksheligi, poshta jóneltilimderin tirkeý baǵdarlamasymen jabdyqtalǵan. Bul baǵdarlama arqyly jóneltilimderdiń baqylaý merzimi men jetkizilý ýaqytyn anyqtap, kórip-bilip otyrýǵa bolady. Tipti, kez kelgen tutynýshy óz jóneltilimderin ınternet arqyly qadaǵalap otyrýyna múmkindigi bar. Elektrondy túrde jiberiletin ashyqhattar qysqa merzimde jetkiziledi. «Bólimshelerdi jańǵyrta otyryp, biz tek qyzmetkerlerimizdiń jumys ornyn ǵana jaqsartqan joqpyz, sondaı-aq, múmkindigi shekteýli jáne besik-arbamen júretin jas analarymyzdyń kirýine yńǵaıly bolsyn dep pandýstar ornattyq. Jańa jumsaq jıhazdar qoıdyq. Endi kelýshilerge kassa terezeleri aldynda sarylyp turýdyń qajeti joq. О́ıtkeni bólimshe biryńǵaı elektrondy kezek júıesimen qamtylǵan, ıaǵnı bógetsiz qyzmet kórsetiledi. Taǵy bir aıta ketetin jaıt, operasııalyq terezelerdiń kóbeıgeni. Bul halyq aǵyny kóp kezinde qyzmet kórsetý úshin óz septigin tıgizedi. Onyń ústine poshta bólimderi táýlik boıy jumys isteıtin bolady», deıdi «Qazposhta» AQ Jambyl oblystyq fılıalynyń dırektory Bolysbek Piráli. Jańadan jasanyp, ózgeshe keıipte jumysyn bastaǵan bul poshta bólimshesi halyqtyń ýaqytyn únemdep, jańasha kóńil kúı, shabyt syılaıtyny sózsiz. Oralhan DÁÝIT, «Egemen Qazaqstan». Jambyl oblysy.

Kelisimniń  kelesi kezeńi

Kókshetaý jylý elektr stansasy joq jalǵyz oblys ortalyǵy. Sondyqtan, máseleniń ózektiligi kún ótken saıyn artyp keledi. Týrıstik-kýrorttyq áleýeti zor astanalyq oblystaǵy jaǵdaı respýblıka Úkimeti tarapynan aıryqsha nazarǵa alynyp, kópten kútken máselege qozǵaý salyna bastady. Buǵan sheteldik ınvestorlar da qyzyǵýshylyq tanytyp otyrǵanyn aıtýymyz qajet. Osyǵan baılanysty óńir basshysy Sergeı Kýlagın men sheteldik «Peterburg Holding Company», «All Energy Holding LTD» kompanııalarynyń jáne qazaqstandyq «On Olja» JShS basshylary arasyndaǵy Kókshetaý qalasynda jylý elektr ortalyǵy qurylysyn bastaý jónindegi ózara kelisimniń ekinshi raýndy ótkizildi. Osy rette, qýaty 180 MVt jáne 450 Gkal/saǵat JEO salýǵa nıet bildirgen ınvestorlarmen alǵashqy kezdesý ótken jyldyń kúzinde ótkizilgenin eske sala ketkimiz keledi. Kezdesý barysynda oblys ákimi áleýetti áriptestermen jylyshyraıly áńgime bastap, jylý elektr ortalyǵy qurylysyna qatysty jobalaý-smetalyq qujattardyń daıyndalý barysymen tanysty. Ol, sondaı-aq, mańyzdy istegi kez kelgen irkilis pen dúdámáldik, naqty qadamdardyń aıqyndalmaýy kútkendegideı nátıje bermeıtinine ekpin túsirdi. Biz yqylas tanytyp, artyqshylyq berip otyrǵan ızraıldik kompanııanyń qazaqstandyq kásiporyndarmen, onyń ishinde qýat kózderine baı «On Olja» seriktestigimen turaqty baılanys ornatqandyǵy bolashaq tabystarymyzǵa kepildik beredi. Buǵan qosa, óńirimizdiń ınvestısııalyq tartymdylyǵy ózge salalardyń damýyna serpin berip otyrǵandyǵy tilge tıek etildi. «AN Energy Holding» kompanııasynyń qarjy dırektory Valerı Amıel senim bildirgeni úshin oblys ákimine rahmet aıtyp, jobanyń qazirgi kezeńinde bastapqy jumystardy qarjylandyrý máselesiniń sheshilgendigin atap kórsetti. Qazaqstan jaǵynan kásibı mamandardyń jumyldyrylýy JEO qurylysynyń tehnıkalyq jáne strategııalyq máselelerin sheshýge múmkindik beretinin aıtqan ızraıldik kompanııa ókili kelesi kezdesýde oblys basshylyǵyna ınvestısııalyq jobanyń daıyn nusqasy tanystyrylatynyn málimdedi. Baqbergen AMALBEK, «Egemen Qazaqstan». Aqmola oblysy.

Kadr daıarlaýdyń qarymy

Elbasy Nursultan Nazarbaev «Nurly Jol – bolashaqqa bastar jol» atty Joldaýynda aldaǵy jyldardy jan-jaqty saraptaı otyryp, memleketimiz úshin negizgi baǵyttardy aıqyndap, Jańa Ekonomıkalyq Saıasatty jarııalady. Prezıdent jastarǵa arnalǵan negizgi baǵyttardy kórsete otyryp, birinshi bilim máselesine toqtalyp, bul salaǵa qyrýar qarajattyń bólinetinin, búgingi ınvestısııa erteńgi álemdik sahnada ekonomıkasy jetilgen, tabysty memleketter qatarynan kórinýdiń kepili ekendigine basa nazar aýdardy, sonymen qatar, 10 joǵary oqý orny álemdik standartqa saı etip jasaqtalatynyn málim etti. Joldaýda ár qazaqtyń altyn besigi sanalatyn aýyldy órkendetý erekshe aıtyldy. Al stýdentter quramynyń basym bóligi aýyl jastary bolyp tabylatyn, sonymen qatar, zamanaýı ult tárbıeshilerin, ult ustazdaryn qala berdi ult analaryn daıyndaıtyn Qazaq memlekettik qyzdar pedagogıkalyq ýnıversıtetiniń profes­sor-oqytýshylary úshin de, stýdent jastary úshin de «Nurly Jol» Joldaýynyń kórsetken baǵyt-baǵdary asa mańyzdy. Elbasy bilim, ǵylym salasynyń qyzmetker­lerine «ıntellektýaldy urpaq tárbıelep, ıntellektýaldy ult qalyptastyrý» sekildi abyroıly da aýqymdy mindet júktedi. Qazaq memlekettik qyzdar pedagogıkalyq ýnıversıteti birneshe jyl qatarynan memleke­timizdegi pedagogıkalyq joǵary oqý oryndary arasynan táýelsiz saraptamalar nátıjesiniń kórsetkishteri boıynsha kósh bastaýshylardyń qatarynda keledi. Ýnıversıtet bazasy kún sanap ósip, ǵalymdarymyz ben stýdentterimizdiń ǵylym, bilim, óner, sport salalaryndaǵy jetistikteri men jeńisteri kóbeıip, bıik beles­terden kórinýde. Ýnıversıtet rektory Dınar Nóketaevanyń tikeleı basshylyǵymen az ǵana ýaqyt ishinde ýnıversıtet ekonomıkalyq-qarjylyq jáne óndiristik salalarda úlken jetistikterge qol jetkizdi. Oqý ornynyń mańyzdy is-sharalaryn basqara otyryp, bul saladaǵy qyrýar isterdiń el ıgiligi úshin ýaqytynda oryndalǵandyǵyn jáne oryndalyp jatqanyn aıtýǵa tıistimiz. 2014 jylǵy 19 qyrkúıek kúni Respýblıka saraıynda Almaty qalasynyń ákimi Ahmetjan Esimovtiń, Bilim jáne ǵylym mınıstri Aslan Sárinjipovtiń, ýnıversıtet túlegi, Májilis depýtaty Orazgúl Asanǵazyqyzynyń, ózge de ýnıversıtet rektorlary men zııaly qaýym ókilderiniń qatysýymen Qazaq memlekettik qyzdar pedagogıkalyq ýnıversıtetiniń 70 jyldyǵyna arnalǵan saltanatty jıyn ótip, oqý ornynyń irgeli jetistikteri men jeńisterine jınalǵan qaýym kýá bolyp, joǵary baǵasyn berdi. Árıne, bizdiń basty maqsatymyz – bilim berý mekemesiniń materıaldyq-tehnıkalyq bazasyn nyǵaıtý arqyly ýnıversıtetti joǵary oqý oryndarynyń álemdik standarttaryna saı keletin bilim men ǵylym jáne joǵary mádenıet ordasyna aınaldyrý bolyp tabylady. Bul salada ýnıversıtet rektorynyń basshylyǵymen oqý ornynyń merekesi qarsańynda barlyq oqý ǵımarattary men jataqhanalary kúrdeli jóndeýden ótkizildi, ýnıversıtettiń materıaldyq-tehnıkalyq bazasy nyǵaıtyldy, salamatty ómir saltyn nasıhattaý maqsatyndaǵy sport ortalyqtaryndaǵy materıaldyq jáne tehnıkalyq baza damytylyp, sporttyq jabdyqtar jańalandy, barlyq ǵımarattar men jataqhanalarda biryńǵaı kompıýterlik jeliler ornatylyp, zaman­aýı aqparattyq tehnologııalar salasyndaǵy tehnıkalyq jetistikter deńgeıine saı jáne búgingi zaman talabyna sáıkes keletin kompıý­terlik tehnologııalar ortalyǵynyń tehnıkalyq bazasy nyǵaıtyldy. Arýlar oqıtyn oqý orny sulýlyqtyń da sımvolyna aınalyp keledi. Stýdentter boıynda ádemilik pen rýhanı qundylyqtarǵa degen yntyzarlyqty arttyrý, qyzdarymyzdyń estetıkalyq talǵamynyń joǵarylaýy men mádenı damýy úshin ýnıversıtettiń stýdentter alleıasynda sýburqaq ornatyldy. Aq Arýdy aınala taǵylymdyq, tárbıelik máni tereń, kóne zamannan bastap búgingi Prezıdentimizdiń ulaǵatqa toly qanatty sózderi kitap beınesindegi mármár tastarǵa qashalyp jazyldy. Sýburqaq aýlasy gúlzarmen bezendirilip, shyrsha egilip, plıta tóselinip, bardıýr ornatyldy. Qala ákimi A.Esimov pen ýnıversıtet rektory Dınar Nóketaeva 2014 jyldyń 19 sáýirinde qyzdar qalashyǵynyń sánin keltirgen «Qazaq Arýy» atty sýburqaqtyń saltanatty túrde lentasyn qıyp, aq tilekterin aıtyp, ashylý rásimin jasady. Ýnıversıtet stýdentteriniń bilim alý úderi­sin tıimdi jáne ońtaıly júzege asyrý maqsatynda, bilim keńistiginde ashyqtyq pen jarııalylyqty qolǵa alý úshin, «Ýnıver» elektrondy jelisi satyp alynyp, ornatyldy. Bul ýnıversıtettiń bilim alýshylary úshin kóptegen qolaıly jaǵdaı ornatyp, oqytýshylardyń dáris júrgizý, josparlaý jáne baǵalaý qyzmetterin jetildirip, quzyrettilikterin arttyrdy. Ýnıversıtettiń qurylymdyq kabeldik jelisi jetildirildi. Ǵylymı kitaphana ǵımaratyna, №1, 2, 5 jataqhanalaryna jáne oqý ǵımaratyna kúrdeli jóndeý júrgizildi. Stýdentterimizdiń zaman aǵymyna oraı aqparattandyrylýy úshin barlyq jataqhanalarda ınternet zaldary ashylyp, jataqhana men oqý ǵımarattarynda symsyz jeliler (WI-FI) tartyldy. Ýnıversıtetimizdiń bilim alýshylarynyń sapaly bilim alýy úshin ǵylymı kitaphananyń kitap qoryn kóbeıtý maqsatynda, ár jyly on mıllıonnan astam teńge qarjy kóleminde ǵylymı kitaptar, oqýlyqtar satyp alynyp, zamanaýı quraldarmen jabdyqtalýda. Atap aıtsaq, ýnıversıtettiń ǵylymı kitaphanasyna respýblıkada alǵashqy bolyp Avstrııada quralǵan, «Kýdens» atty avtomattandyrylǵan barlyq formattaǵy skaner satyp alyndy. Bul erekshe qurylǵynyń jumys isteý fýnksııasy óte joǵary damytylǵan, birneshe operasııany jyldam ári tez oryndaýǵa múmkindik beredi. Qazirgi tanda ýnıversıtettiń kitaphana qoryna «Altyn qorǵa» engen qundy rarıtet sanalatyn 1553 dana kitap engizildi. Ýnıversıtettiń tolyqqandy jumys isteý qajettiligine baılanysty, 2011-2014 jyldar ishinde 836 dana kompıýterler alynyp, aýdıtorııalar men dáris zaldaryna 75 dana zaman talabyna saı ınteraktıvti taqtalar satyp alyndy. Bul sharalar ýnıversıtet qarjy kólemin ulǵaıtyp, tıisti maqsatta strategııalyq jos­parlaý nátıjesinde júzege asyryldy. Hımııa, fızıka kafedralarynyń ǵylymı laboratorııa­lary zertteý jumystaryn zamanaýı tehnologııalar negizinde damytý jolynda bir ǵana 2014 jyl kóleminde 400 mln. teńgeden astam qarjy kóleminde zertteý qurylǵylarymen jabdyqtaldy. Bul óz kezeginde ýnıversıtettiń ǵylymı-zertteýshilik áleýetin arttyryp, stýdentterimiz ben magıstranttarymyzdyń, doktoranttarymyz ben professor-oqytýshyla­rymyz­dyń ǵylymı izdenisterin zamanaýı álemdik deńgeıge kóterýge, memlekettik jáne halyqaralyq granttyq jobalarǵa qatysýyna negiz bolady degen oıdamyz. Oqý ornynda qyzdarymyzdyń sýda júzý mádenıetin, sulýlyǵy men kórkemdigin jetil­dirý maqsatynda júzý basseıniniń qurylys jumystary qarqyndy júrgizilýde. Sonymen qatar, 450 oryndyq, birinshi qabatta jastarǵa qyzmet kórsetetin medısınalyq pýnkti bar stýdentter jataqhanasynyń qurylys jumystary da óz deńgeıinde júrip jatyr. Sóz sońynda aıtarymyz, jańa bastalǵan 2015 jyl da qaryshtap alǵa basqan Qazaq­stany­myz úshin de, óziniń 70 jyldyq asýynan abyroımen asqan ýnıversıtetimiz úshin de aıtýly jylǵa aınalmaq. Elbasy Joldaýynda ekonomıkalyq máseleler basty mańyzǵa ıe bolýmen qatar, Prezıdentimiz elimizdiń rýhanı-mádenı máselelerin de atap aıtyp, «Máńgilik El» ıdeıasynyń qazaqstandyqtar úshin mańyzyn tolyǵymen túsindirip ótkeni belgili. Aldaǵy 2015 jyly Qazaq handyǵynyń 550 jyldyǵy, Qazaqstan halqy Assamb­leıa­synyń 20 jyldyǵy, Baýyrjandaı batyrdy, Álııa, Mánshúk, Hıýazdaı batyr qyzdarymyzdy tarıh tórine shyǵarǵan Uly Otan soǵysyndaǵy Jeńistiń 70 jyldyǵy atap ótilmek. Rýhanı, mádenı, áleýmettik, ekonomıkalyq, ındýstrııalyq-ınnovasııalyq damý barysynda Qazaq memlekettik qyzdar pedagogıkalyq ýnıversıteti de kún sanap alǵa basyp, bıikterden kórine beretinine senimdimiz. Asylbek BО́KEBAEV, Qazaq memlekettik qyzdar pedagogıkalyq ýnıversıtetiniń ekonomıkalyq jáne óndiristik máseleler jónindegi prorektory. ALMATY.

Naqty qoldaý

Aýyl-aımaqtaǵy sharýalar «Sybaǵadan» óz sybaǵasyn alǵanyn bilemiz. Degenmen, bul iri qara malyn qarjylandyratyn baǵdarlama edi. Qyrdaǵy aǵaıyn bile júrsin, memlekettiń ýaq mal ósiretin sharýashylyqtardy qoldaıtyn «Altyn asyq» atty da baǵdarlamasy bar. Qoı sharýashylyǵyn damy­týǵa arnalǵan «Altyn asyq» baǵdarlamasy Qyzylorda oblysynda joǵary deńgeıde júzege asyp jatyr. О́tken jyly 12 sharýashylyq «Agrarlyq nesıe korporasııasy» AQ-tyń oblystyq fılıaly arqyly 131,0  mıllıon teńge nesıe alyp, 5627 bas qoı, onyń ishinde 327 bas asyl tuqymdy qoshqar satyp aldy. Sonymen qatar, 5 sharýashylyq óz qarjysy esebinen 96,2 mıllıon teńgege 4470 bas qoı ákeldi. Osylaısha, jyl ishinde 10 myńnan astam asyl tuqymdy qoı alyndy. Jalpy, ótken jyly asyl tuqymdy mal sharýashylyǵyn damytýǵa úles qosqan 310 sharýa­shylyq 1524 mıllıon teńge sýbsıdııa aldy. Taǵy bir aıta keterligi, mal sharýashylyǵyn ǵylymı negizde damytý maqsatynda Ybyraı Jaqaev atyndaǵy Qazaq kúrish ǵylymı-zertteý ınstıtýtynyń bazasynda mal sharýashylyǵy bólimi ashyldy. Búginde et baǵytyndaǵy qoı tuqymyn jetildirý maqsatynda elimizdiń aldyńǵy qatarly ǵylymı ortalyqtary Batys Qazaqstan oblysy Jáńgir han atyndaǵy ýnıversıtetiniń ǵalymdarymen Jalaǵash aýdanynda et baǵytyndaǵy «edilbaı» qoıyna seleksııalyq  asyldandyrý jumystaryn júrgizýde. Sondaı-aq, Ońtústik-batys egin jáne mal sharýashylyǵyn damytý ǴZI-dyń mamandarymen álemdik naryqta joǵary suranysqa ıe bolyp otyrǵan qarakól qoıynyń kók túsimen et baǵytyndaǵy Atyraý etti-maıly eltiri qoıyn ósirý maqsatynda ǵylymı jumystar júzege asyrylyp, «Aqseńgir» jáne «Aq jol» sharýa qojalyqtary 1540 bas Atyraý etti-maıly eltiri qoıy ákelindi. Sonymen birge, elimizdiń belgili akademıgi H.Úkibaevtyń basshylyǵymen Reseıdiń Astrahan oblysy men Jambyl oblysynan kók tústi qoshqarlar jetkizilip, Jańa­qorǵan aýdany «Yntymaq» JShS-de jáne «Baqytjan» qoja­lyǵynda seleksııalyq  asyldandyrý jumystary júrip jatyr. Erjan BAITILES, «Egemen Qazaqstan». Qyzylorda oblysy. 

Nesıeden – nesibe

«Báıdibek-nesıe» 7 paıyzben qarajat beredi

О́tkende Ordabasy aýdanynan bir kásipker habar­lasty. «Ordabasy» nesıe seriktestigi «Agro­nesıeqar­jy» qorynan alǵan qaryzynyń ornyn jaba almaı, nesıe bere almaı jatyr eken. Bir kásip­­ker kóp mólsherde qarjy alǵan, qaıtarýǵa asyq­­paı­dy. Al sharýalardyń bıznes-josparlary toqtap tur. «Báıdibek-nesıe» seriktestigin maqtady. «Ábdil­dabek Shardarbekov aqsaqal basqaratyn mekeme oblystaǵy seriktestikterdiń eń myqtysy. Oblysta eń tómengi paıyzben qarajat bóletin de sol. Áı, bizge sondaı basshy kerek edi», dep tamsandy. Ábdildabek Shardarbekov aǵamyzdy jaqsy bilemiz. Búginde 75 jastyń úzeńgisine aıaq salǵan aqsaqal eńbekpen kósegesi kógergen kisi. «Shaıan mashına-traktor» stansasynda júrgizýshiniń kómekshisi bolyp eńbek jolyn bastaǵan jas jigit joǵary oqý ornynan keıin partkom hatshysy, keńshar dırektory, aýdandyq aýyl sharýashylyǵy basqarmasynyń basshysy sııaqty laýazymdy qyzmetterde bolǵan. О́tken ǵasyrdyń toqsanynshy jyldarynda Amerıkaǵa baryp, ondaǵy sharýalardyń jumysyn kórgennen keıin, bárin oı eleginen ótkizip, bir jyldan keıin «táýekel túbi – jelqaıyq», jeke bızneske ketken. 2003 jyly «Báıdibek-nesıe KS» JShS-in quryp, aksıonerlerdiń qoldaýymen tóraǵa bolyp saılanǵan. Búgingi tańda oblystaǵy 20 nesıe seriktestiginiń aldyn bermeı turǵan mekeme basshynyń ómirbaıany qysqa qaıyrǵanda osy. Bardyq. Aýdandyq ákimdiktiń syrt jaǵynan keriskedeı etip úlken ǵımarat salyp alǵan. Stanı­slavskıı degen danyshpan «teatr kıimilgishten bas­talady» dep óte oryndy aıtqan. Taza, jaryq, jyp-jyly mekemeniń tabyspen jumys jasap jatqandyǵy birden ańǵarylyp turady. – «Báıdibek-nesıe» KS» seriktestiginiń quramynda 425 múshe bar. 3 mlrd. 363 mln. teńge nesıe júıesi ashylǵan, – deıdi Ábdildabek aǵa. Bir nesıe seriktestiginen 3 mlrd. teńge aýyl sharýashylyǵyna jumys jasap jatyr. Báıdibek aýdany Ońtústiktiń 250-300 myń halqy bar aýdan, qalalarymen salystyrǵanda shaǵyn aýdan. Ár jaǵy Arqamen qoıyndasqan Sozaq aýdanymen shektesetindikten qysy qatal óńir. Negizgi kásibi – mal sharýashylyǵy. «Báıdibek-nesıeden» qarajat alǵandardyń aldy búginde baıaǵyda aıta beretindeı, myńdy aıdaǵan baılardyń qataryna qosylyp úlgergen eken. «Birlik» aýylyndaǵy Ǵabıt Qapalbaev ózi esepshi bolsa da dúnıesiniń esebin keltire almaı, aılyǵy shaılyǵyna jetińkiremeı júıkesi júndeı tútilip júrgen bir kúninde Ábekeńniń aldyna keledi. «Kóke, aqsha ber, jeke kásip ashamyn». Múshelik jarnasyn tóleıdi. Ázilge súıeı aıtyp otyrǵanymyz ǵoı, áıtpese, búginde Ǵabıt baýyrymyzdyń asyǵy alshysynan túsip tur. Eki otar qoı, bir tabyn sıyr, eki-úsh úıir jylqy. Asyl tuqymdy. Úkimetten asyl tuqymdy maldy ósirgeni, satqany úshin sýbsıdııa alady. Qapalbaevtyń ómirge qapasy joq, «Báıdibek-nesıe» KS-den alǵan 30 mln. teńge boıǵa juqty, úıge yrys bolyp kirdi. Osy seriktestikten 10 mln. teńge alǵan Táshimbaev О́tebaı degen jigit aǵasy da «Myńbulaq» aýylynda kele-kele túıe ustap otyr. Túıe jaryqtyq kúı talǵamaıtyn, usaq mal, iri qara jeı qoımaıtyn ýly, ashy shópterdi de qorek ete beredi. Sol sebepti súti myń túrli aýrýǵa em. Búginde táýir shubatty qosarǵa qos at alyp júrip izdep ishetinder kóbeıip keledi. «Báıdibek-nesıeden» qarajat alyp, tirligin ońdaǵandardy aıtar bolsaq uzap kete beremiz.Oblystaǵy 20 seriktestikterdiń ishinde «Báıdibek-nesıe» KS» birinshi orynda nege ekenin ózimiz de ishteı jobalap tursaq ta Ábildabek aǵadan suraǵanbyz. «QazAgroQarjy» korporasııasy alǵan aqshańdy mezgilinde qaıtara almasań seriktestikke qarjy bermeıdi. Shardarbekov, osy aýdannyń otymen kirip, kúlimen shyqqan, aýyl sharýashylyǵynyń uńǵyl-shuńǵylyn biletin kásibı maman múshe bolady eken dep kóldeneń kók attyǵa qarajat bere bermeıdi. Qudaı jetkizer dep nesıege toı, kólik alatyndarǵa emes, naqty qolynan is keletin azamattarǵa beredi. Qaıtara almaǵandardyń mal-múlkin, úı jaıyn aýksıonǵa qoıdyrady. Osylaısha, memlekettiń qarjysyn túgendeıdi. Al kóptegen seriktestik nesıege bergen qarjysyn qaıtara almaı, júzdegen sharýalardyń qolyn baılap júr. – Jaqsylyqtardyń bastaýynda Elbasymyz tur ǵoı, – deıdi Ábdildabek aǵamyz. – Memleketten berilip jatqan kómekte esep joq. «Sybaǵa» baǵdar­lamasynan bólek, «Qulan», «Altyn asyq» jarǵylyq qoryn ashyp, seriktestikke qarjy berip jatyr. Buryn jońyshqa egýge eki jyl merzim­ge qarjy bólinetin. Aýyl sharýashylyǵy mınıstr­ligindegi jaýapty mamandarǵa aıtyp júrip, nesıe merzimin tórt jylǵa uzarttym. Qora-qopsy salsań jeti jylǵa deıin qarjyny qaıtarýǵa múmkindigiń bar. Nursultan Ábishuly halyqqa Joldaýynda taǵy da orasan qarajat bólgizdi. Bir «Báıdibek-nesıeniń» ózi myńdaǵan azamatqa jumys ornyn ashýyna kómektese alady. Úkimetten qarjy alyp otyrǵan basqa seriktestikterdiń múmkindikterin iske qossańyz, kásibimdi tabam, bala-shaǵamdy eshkimge jáýteńdetpeımin degen azamattarǵa jumys kóp. 75 jastaǵy aqsaqal osylaı deıdi. Al orda buzar otyzdaǵy jigitter jumys joq dep aýzyn qur shóppen súrtip júr. Áı, dúnıe-aı. Aıtqandaı, osy seriktestiktiń jıyrmashaqty mamanynyń eshqaısysy jumysym aýyr, basqa salaǵa aýysaıyn degendi aıtpaıdy. Nege dep tańdanbaı-aq qoıyńyz. Toqsan saıyn aılyq kólemindegi syıaqy, jyl sońynda taǵy bir aılyq qosylady. Onyń syrtynda eńbek demalysyna shyqqandarǵa eki aılyq kórsetkishine teń emdik járdemaqy beriledi. Baıaǵyda kommýnıster partııasy serkeleriniń aıta beretin jumaq kommýnızmi degenińiz osy «Báıdibek-nesıe» seriktestiginde júrgen sııaqty. Aýdanǵa aýyl sharýashylyǵynyń paıdaly salalaryn suradyq. Ábekeń oblys basshysy Asqar Myrzahmetov pen aýdan ákimi Batyrbek Kósher­baı­dyń attaryna jyly sózder aıtty. Buǵan deıin kógildir otyndy túsinde kóretin aýdanǵa gaz kelip jatyr. Aýyl sharýashylyǵynyń paıdaly salalaryna basymdyq berilip jatyr. Samannan salynǵan mektep qalmady dese de bolady. Qarjy maqsatty jumsalýda. Baqtııar TAIJAN, «Egemen Qazaqstan». Ońtústik Qazaqstan oblysy, Báıdibek aýdany.

 Qarabalyqta  kempıng ashyldy

Elimizdiń ońtústik-shyǵysy men kórshi Reseıdi jalǵaıtyn «Al­maty – Ekaterınbýrg» tas joly Qos­ta­naı oblysynyń ústinen ótedi. Osy jol shekaranyń irgesinde jat­qan Qarabalyq kentiniń ústimen Qaı­raq kedenine barady da, odan ári Chelıabi oblysyna ótedi. Júk avto­kerýenderi, jolaýshylar avtobýstary, jeńil kólikter Almatydan ǵana emes, Qazaqstannyń ońtús­tiginen Re­seıge, Reseıden Qazaqstanǵa qaraı uly joldyń boıymen ersili-qarlysy aǵylady. Eki eldiń arasyna, elimizdiń ońtústik óńirleri men soltústikte jatqan oblystarǵa tas jolmen tasylatyn júk az emes. Sondyqtan uzyndyǵy jóninen Qa­zaqstandaǵy iri tasymal joly bo­lyp sanalatyn «Almaty – Eka­te­rın­býrg» tas jolynyń el eko­nomıkasynyń damýyna qosar úlesi az emes. Biraq jol soǵyp kele jatqan kólikter toqtap, jolaýshylar demalatyn arnaıy oryn oblys kóleminde bolmaıtyn. Ilýde bir kezdesetin shaıhanalar da sońǵy jyldary paıda boldy. Elbasy Nursultan Nazarbaev «Nurly Jol – bolashaqqa bas­tar jol» Joldaýynda «Qazirde qaı­naǵan tirshilik kúrejoldardyń boıynda. Jol – shyn máninde ómir­diń ózegi, baqýatty tirliktiń qaı­nar kózi. Barlyq aımaqtar temir­jolmen, tas jolmen, áýe jolymen óz ara tyǵyz baılanysýy kerek», deı kelip, kólik-logıstıkalyq ın­fraqurylymdardy damytýdy aldymen tapsyrǵan bolatyn. El­basynyń osy tapsyrmasynyń tamasha mysaly júzege asyp ta úlgerdi. Reseıge shyǵatyn «Almaty – Ekaterınbýrg» tas jolynyń boıyndaǵy Qarabalyq kentinen shyǵaberiste, Qaıraq kedenine, ıaǵnı shekaraǵa jaqyn tustan kempıng ashyldy. Ony Qarabalyq aýdanyndaǵy kásipker Marat Aıtqazın jyl táýligine tolmas ýaqytta el ıgiligine tapsyrdy. Marat Nurǵalıuly bul jobaǵa qazirdiń ózinde 100 mıllıon teńge ınvestısııa saldy, ony taǵy keńeıtýdi josparlap otyr. – Buryn Qazaqstan joldarynyń boıynda kempıng boldy ma, álde biz birinshi salyp otyrmyz ba, ol jaǵy maǵan beımálimdeý. Biletinim, «Almaty – Ekaterınbýrg» tas joly boıyndaǵy eń iri kempıng osy ekenine sendirgim keledi, – deıdi kásipker M.Aıtqazın. «Bóri azyǵy – jonda, er azyǵy – jolda» deıtin jolaýshy úshin barlyǵy da kempıngtiń ishinde qarastyrylǵan. Onda otyz oryndyq jaıly qonaqúı, ashana, jýynatyn bes bólme bar. Jolaýshy kirin jýyp, keptirip, útiktep alýyna da jaǵdaı jasalǵan. Tipti, temeki shegetinderge