Birde sepkil bet sary bala qańtardyń saqyldaǵan sary aıazynda tas bolyp qatyp qalǵan jarty bólke nandy dop qylyp teýip oınap bara jatyr eken. Kórgen jannyń ımany qasym bolǵandaı. Toqtatyp alyp, onyń bul isiniń durys emes ekendigin aıtyp jatyr edik, manadan beri kórip turǵan kórshi aqsaqal da enteleı jetip keldi de, sabyrmen aqylyn aıta bastady. Sepkil bet sary bala bizdiń aıtqanymyzdy sanasyna quıyp aldy ma, joq pa, ol arasy belgisiz.
– Shetelde mundaı qoqys jáshikteri birneshe torapqa bólingen. Birine azyq-túlik qaldyǵyn salsa, ekinshisine plastıkalyq bótelkelerin salady. Bári ret-retimen, – deıdi aqsaqal, – bizde de osylaı jasaýǵa bolmas pa eken? Máselen, myna nannyń qaldyqtaryn taza kúıinde jınap qoısa, osy qalada mal baǵatyndar bar emes pe? Tym qurysa mal azyǵyna jaraıdy ǵoı. Taıaýda baspasózden sheteldegi óneri ozǵan jurt azyq-túliktiń qaldyǵyn tyńaıtqyshqa aınaldyryp, kádege jaratatyny týraly oqydym. Búgingi urpaq nan qadirin de bilmeıdi.
Aqsaqaldyń aıtqany jón. Al biz qymbatshylyq qysyp bara jatyr deımiz. Ysyrapty umytqan urpaqtyń keleshegi ne bolmaq?
KО́KShETAÝ
