Foto: gov.kz
Aıda Balaeva onlaın-platformalardyń ákimshileri men áleýmettik jeli qoldanýshylaryn zańǵa qaıshy aqparattardy júktemeýge shaqyryp, talap buzylǵanǵan jaǵdaıda buǵattaý sharasy qoldanylatynyn eskertti. Dese de mınıstr vedomostvonyń mıllıondaǵan azamat jańalyqtardy onlaın platformalardan alatynyn qaperde ustap, platformalardy buǵattaý sharasyna sırek júginentinin atap ótti.
«Jelilik resýrstardyń ákimshileri de óz áreketteriniń saldaryn túsinip, aqparat taratýda eń aldymen oqyrman men qoǵam aldyndaǵy jaýapkershilikti jiti uǵynýǵa tıis. Statıstıkaǵa súıensek, 2023 jyldan 2024 jylǵa deıingi aralyqta Qazaqstan ınternet segmentinde anyqtalǵan zańǵa qaıshy kontent kólemi eki ese ósip, 116 354 materıalǵa jetti. Eń kóp taralǵan zańbuzýshylyqtar qatarynda – terrorızmdi, dinı ekstremızmdi jáne esirtki quraldaryn nasıhattaý, onlaın-kazıno men qarjy pıramıdalaryn jarnamalaý bar. О́tken jyly onlaın-platformalarda 78 539 zańǵa qaıshy materıal anyqtalyp, onyń 24,3%-y joıyldy», dep jazdy ol.
Vedomstvo basshysy naǵyz quqyqtyq memleket qalyptastyrýdyń basty kilti sanalatyn zań men tártip qaǵıdatyn berik ustanýǵa úndedi.
