Foto: Memlekettik qyzmet isteri agenttigi
Agenttik tóraǵasy Darhan Jazyqbaı Memleket basshysy Qasym-Jomart Kemeluly Toqaevtyń memlekettik qyzmetti jańǵyrtý boıynsha alǵa qoıǵan mindetteri servıstik jáne adamǵa baǵdarlanǵan qaǵıdattary negizinde júzege asyrylyp jatqanyn aıtty.
О́tken jyly Agenttiktiń bastamasymen memlekettik qyzmetti jetildirýge baılanysty «Memlekettik qyzmeti týraly» Zańǵa 7 zańmen ózgerister engizilip, 26 normatıvtik quqyqtyq akti qabyldandy.
«Memlekettik qyzmettiń gıbrıdti modeli negizinde memlekettik apparatty kásibılendirý, tıimdi HR-quraldaryn engizý, memlekettik organdardyń kadrlyq áleýetin nyǵaıtýdy kózdeıtin Memlekettik qyzmetti damytýdyń 2024–2029 jyldarǵa arnalǵan tujyrymdamasy bekitildi. Tujyrymdamaǵa sáıkes Agenttik «Memlekettik qyzmet týraly» jańa Zań jobasyn ázirledi. Jańa Zań memlekettik qyzmettegi eńbek qatynastarymen qatar qoǵam men memlekettik apparattyń ózara is-qımylynyń jańa paradıgmasyn retteıdi. Sondaı-aq irikteý júıesin jańǵyrtý, erte kásibı baǵdarlaý mehanızmderin engizý, gorızontaldy ósý múmkindikterin qarastyrý, qyzmetshilerge áleýmettik kepildikterdi jaqsartý máselelerin qaıta qaraý kózdelgen. Zań jobasy aıasynda 70-ke jýyq zańǵa táýeldi normatıvtik quqyqtyq aktiler jańa redaksııada ázirlenedi», delingen habarlamada.
Darhan Jazyqbaı memlekettik qyzmetke kirýdegi artyq kedergilerdi joıýǵa baǵyttalǵan jumystardyń nátıjelerine toqtaldy. Agenttiktiń kelisimi boıynsha jeke jáne kvazımemlekettik sektordan 184 maman basshy laýazymdarǵa tikeleı taǵaıyndalǵan. Sońǵy eki jylda joǵary oqý oryndaryn úzdik bitirgen 445 túlek konkýrs ótkizilmesten aýdandyq jáne aýyldyq deńgeıdegi laýazymdarǵa jumysqa ornalastyrylǵan. Onyń aıtýynsha, bul bilikti mamandardy memlekettik qyzmetke tartýǵa jáne shalǵaı óńirlerdegi kadr tapshylyǵyn sheshýge oń yqpalyn tıgizip jatyr.
«Memlekettik qyzmettegi onlaın irikteý júıesi joǵary tıimdilikti kórsetti. Avtomattandyrylǵan «eQyzmet» 68 memlekettik organda sátti iske asyrylyp, bıyl qalǵan 26 memlekettik organdarǵa engizý aıaqtalady. Bir bos orynǵa jarııalanǵan konkýrsqa úmitkerler dástúrli irikteýmen salystyrǵanda orta eseppen bir jarym esege artty. Agenttik Memleket basshysynyń bıýdjetten qarjylandyrylatyn mekemelerdiń kadr qyzmetin tolyq avtomattandyrý boıynsha tapsyrmasyn iske asyrý maqsatynda Biryńǵaı kadr júıesine 37 memlekettik organnyń 500 myńnan astam adam qyzmet atqaratyn 2400-ge jýyq vedomstvolyq uıymdardy qosý boıynsha jumystar júrgizýde. Birinshi kezeńde 8 memlekettik organnyń 19 uıymy qosyldy», delingen habarlamada.
Agenttik tóraǵasy memlekettik qyzmettegi kadrlyq prosesterdi sıfrlandyrý aıasynda «eQyzmet» júıesinde sıfrlyq reıtıng modýli iske qosylǵanyn atap ótti. Modýl elektrondyq jeke isterdiń derekteri negizinde saıası jáne «A» korpýsy laýazymdaryna joǵary tájirıbesi men biliktiligi bar áleýetti úmitkerlerdiń tizbesin jasaýǵa múmkindik beredi.
Sondaı-aq Darhan Jazyqbaı, 2024 jyly memlekettik kórsetiletin qyzmetterdi baqylaý is-sharalarynyń qorytyndysy boıynsha 150 myńnan astam buzýshylyq anyqtalǵanyn, onyń 37% qashyqtyqtan júrgizilgen monıtorıng arqyly belgili bolǵanyn aıtty. Bul tájirıbe memlekettik organdardyń jaýapkershilikterin arttyryp, proaktıvti jumys isteýge óz septigin tıgizedi.
Memlekettik apparat qyzmetin bıýrokratııadan aryltý boıynsha júrgizilgen taldaý jáne monıtorıng jumystary nátıjesinde 2024 jyly tótenshe jaǵdaılar, energetıka, sý resýrstary jáne ırrıgasııa salalary boıynsha ázirlengen 260 usynys Úkimet Apparatynyń qaraýyna engizildi.
Agenttik bastamasymen memlekettik qyzmet salasyndaǵy buzýshylyqtar úshin jazanyń bultartpaýshylyq prınsıpin dáıekti túrde júzege asyrý mehanızmderi aıqyndaldy. Bıylǵy jyldan bastap memlekettik qyzmetshiler basqa memlekettik organǵa aýysýyna qaramastan, burynǵy laýazymda jasaǵan teris qylyqtary úshin jaýaptylyqtan bosatylmaıdy. Degenmen, baqylaý sharalary tek zań buzýshylyqtyń saldaryn anyqtaýmen shektelmeı, onyń aldyn alýǵa baǵyttalýy qajet ekendigi aıtyldy.
Básekege qabiletti memlekettik qyzmet pen oǵan qajetti quzyrettilikterge ıe memlekettik qyzmetshilerdi daıarlaý mańyzdylyǵyn eskere otyryp, Birikken Arab Ámirliginde 32 qyzmetker oqytýdan, Túrkııa Respýblıkasynda 35 memlekettik qyzmetshi taǵylymdamadan ótken. Agenttik pen AQSh-tyń Kadrlyq qyzmet ofısiniń memorandýmy aıasynda 57 otandyq tótenshe jaǵdaılar men jergilikti tabıǵı resýrstardy qorǵaý salasynyń basshylyq quramy úshin daǵdarysty basqarý boıynsha onlaın oqý semınary ótti.
Agenttik tóraǵasy Memleket basshysynyń aýyl jáne aýdan ákimderiniń biliktiligin arttyrý boıynsha berilgen tapsyrmasyna sáıkes Prezıdent janyndaǵy Memlekettik basqarý akademııasynda ozyq tájirıbelerdi eskere otyryp, bul mindetti sapaly oryndaý tásilderin pysyqtaý qajettiligine toqtaldy.
Alqa otyrysynyń qorytyndysy boıynsha Darhan Jazyqbaı Agenttiktiń qurylymdyq jáne aýmaqtyq bólimsheleri basshylary aldynda halyqtyń memlekettik apparatqa degen senimin arttyrýǵa baǵyttalǵan strategııalyq mindetterdi sapaly iske asyrý boıynsha birqatar tapsyrmalar júktedi.
