Foto: kursiv.media
1 qańtardaǵy jaǵdaı boıynsha elimizde 20 286 084 adam turǵan. О́tken jylmen salystyrǵanda halyq sany 252 242 adamǵa artqan.
Aıta keteıik, Qazaqstannyń úsh qalasy men tórt oblysynda mıllıonnan astam halyq turady. Halqy eń tyǵyz qonystanǵandar Almaty qalasy men Túrkistan oblysy – olarda sáıkesinshe 2 292 333 jáne 2 154 334 adam.
Mıllıonnan astam halqy bar qalalar men oblystardyń tizimine Shymkent (1 256 263 adam), Jambyl (1 222 513 adam) jáne Qaraǵandy (1 133 984 adam) oblystary da kiredi.
Astana (1 528 887 adam) men Almaty oblystarynda (1 560 377 adam) 1,5 mıllıonnan astam adam qonystanǵan. Sondaı-aq, Astanada halyq sanynyń ósý qarqyny eń joǵary. Elordada bul kórsetkish 6,91 paıyzdy quraǵan. Almaty men Shymkentte bul kórsetkishter 2,86 jáne 2,80 paıyzdy qurady.
Qalalarda 12 774 743 adam, al, aýyldyq jerde 7 511 341 adam turady.
