Foto: Ashyq derekkóz
Jańaózen qalasynyń turǵyndary jergilikti basylymdardyń birine habarlasyp, mektep jasyna deıingi 100 bala tamaqtan ýlanyp qalǵanyn málimdegen.
Mańǵystaý oblystyq densaýlyq saqtaý basqarmasy aqparatty ishinara rastap, medısınalyq mekemege nebári 37 ótinish túskenin atap ótti.
«2025 jyldyń 31 qańtar kúni saǵat 20:13-te Jańaózen qalasynyń Qyzylsaı aýylynan jedel járdem qyzmetine ish aýyrýyna shaǵymdanǵan turǵyndardan shaqyrtý kelip tústi. Barlyǵyn jedel járdem brıgadasy qarap, tekserdi. Tekserilgen 37 adamnyń tórteýi aýrýhanaǵa jatqyzyldy (1 eresek, 3 bala). Qalǵandary ambýlatorlyq em alýǵa úılerine jiberildi. Qazir balabaqsha jabylyp, ýákiletti organdar tekseris júrgizip jatyr», delingen habarlamada.
Aıta keteıik, buǵan deıin Mańǵystaý oblysyndaǵy Besshoqy aýylyndaǵy ashanada mektep oqýshylary jappaı tamaqtan ýlandy. Barlyǵy 466 oqýshy zardap shegip, onyń 98-i aýrýhanaǵa jatqyzylǵan edi.
