Foto: qazaly.kz
Elimizde ınvestorlar máselesin shuǵyl sheshý úshin Investısııa shtaby qurylyp, bıýrokratııalyq kedergi men quqyqtyq qarama-qaıshylyq joıylyp, keıbir jobalardy tezirek júzege asyrýǵa jol ashyldy. Degenmen keı óńirlerde tikeleı shetel ınvestısııasyn tartý qarqyny tómendegen. Elimizdiń ekonomıkalyq jaǵdaıyn kóterý úshin, otandyq ınvestorlarǵa, odan keıin sheteldik ınvestorlarǵa qolaıly jaǵdaı jasaý óte mańyzdy. О́ıtkeni otandyq naryqtyń deńgeıin ózimiz qolǵa alyp, kóterýimiz kerek.
Bul rette, elimizdiń aýyl sharýashylyǵy salasy boıynsha, onyń ishinde aýyl sharýashylyǵy ónimderin qaıta óńdeý, eginshilik, et jáne sút ónimderin óndirý salalaryna ınvestorlar tartý utymdy bolady dep esepteımin. Sonymen birge, Úkimet otyrysynda Memleket basshysy elimizdiń qarjysyn jappaı únemdeýge kóship, bıýdjet qarjysyn tek asa ózekti máselelerdi sheshýge jumsaýy qajet ekenin erekshe atap ótti. Máselen, byltyr Qyzylorda oblysynda óńir basshysynyń tapsyrmasymen oqýshylar ýaqytyn tıimdi ótkizýge baǵyttalǵan sporttyq jáne shyǵarmashylyq úıirmeler qyzmetine zerdeleý jumysy júrgizilgen. Sonymen qatar memleketten bólingen qarjynyń tıimsiz jumsalýyna baılanysty kásipkerlermen kelisimshart birjaqty buzylyp, bıýdjet qarjysy únemdelgen.
Osylaısha, oblys bıýdjetinen shyǵarmashylyq úıirmeler boıynsha 600 mln teńge, al sporttyq seksııalardan 2 mlrd 603 mln teńge bıýdjetke keri qaıtarylǵan. Osy sııaqty jumys jalǵasyn tabýy kerek. Memleket basshysy aıtqandaı, kórpege qaraı kósilip, orynsyz shyǵyndardy toqtatý oryndy sheshim bolmaq.
Nurlan Turǵanbaev,
Qyzylorda qalalyq máslıhatynyń depýtaty
