Kıno kórsetilimderi Qaraǵandy qalasynan bastaý aldy. Aldaǵy ýaqytta basqa da qalalar men aýyldyq eldi mekenderdi qamtıdy.
Bastamanyń maqsaty – qazaqstandyq kınematografty nasıhattaý jáne keń aýdıtorııaǵa otandyq rejısserlerdiń týyndylaryn tamashalaý múmkindigin usyný. Ásirese, aýyl turǵyndarynyń qatysýyna erekshe nazar aýdaryldy. Osylaısha, olarǵa qazirgi qazaq kınosynyń úzdik shyǵarmalaryn kórýge múmkindik berildi.
Baǵdarlamada elimizdiń mádenı erekshelikteri men ózekti máselelerin arqaý etken ártúrli janrdaǵy fılmder usynylady. Olardyń qatarynda «Jambyl. Jańa dáýir», «Dos-Muqasan», «Operasııa Nabat», «Vremıa patrıotov» jáne basqa da kartınalar bar.
Ár fılmniń ózindik tereń maǵynasy bar jáne túrli jastaǵy kórermenderge arnalǵan. Sondaı-aq, kishkentaı kórermender úshin «Taıqazan» anımasııalyq fılmi kórsetiledi.
