Zertteý nátıjeleri qaralǵan keńes

Qazaqstan Respýblıkasynyń Mem­lekettik hatshysy Gúlshara Áb­diqalyqova keńes ótkizdi, dep habarlady Prezıdenttiń baspasóz qyzmeti. Keńeste etnosaralyq qarym-qa­tynastar máseleleri jóninde Mádenıet jáne sport mınıstrligi men Qazaqstan halqy Assambleıasynyń Ǵylymı-sarapshylyq keńesi birlesip ótkizgen áleýmettik zertteý nátıjeleri qaraldy. Otyrysqa Prezıdent Ákimshiliginiń basshylyǵy, múddeli mınıstrlikter men vedomstvolar ókilderi, QHA-nyń Ǵylymı-sarapshylyq keńesi músheleri qatysty. Zertteýler qorytyndysyn QHA Ǵylymı-sarapshylyq keńe­si tóra­ǵasynyń orynbasary, Qazaq­stan Pre­zı­dentiniń janyndaǵy Memlekettik basqarý akademııasynyń Ortalyq Azııadaǵy etnosaralyq jáne konfessııaaralyq qatynastardy zertteý ortalyǵynyń jetekshisi Aıgúl Sádýaqasova tanystyrdy. G.Ábdiqalyqova áleýmettik zertteýler júr­gizý obektıvti qajettilik ekenin, onyń qory­tyndylary memlekettik etnos­aıasattyń negizgi baǵyttaryn, iske asy­rylý joldary men ádisterin aıqyn­daýǵa septigin tıgizetinin atap kórsetti. Memlekettik hatshy tanystyrylym qo­rytyndysy boıynsha memlekettik or­gandarǵa birqatar naqty tapsyrmalar berdi.