- Serbııanyń astanasy Belgradta bokstan halyqaralyq týrnır bastaldy. 62-márte uıymdastyrylyp otyrǵan jarysta elimizdiń 15 boksshysy kúsh synasady. Olar – Nurǵısa Turabekov (48 kg), Ramazan Nurlybaev (51 kg), Beksultan Boranbek, Nursultan Altynbek, Kenje Muratuly (54 kg), Janseri Kósherbaev (57 kg), Bekzat Maǵjan (63,5 kg), Ilıa Kalının, Nurbek Mursal (67 kg), О́ner Seıilhan (71 kg), Baqbergen Álıasqarov, Sanjaráli Begalıev (75 kg), Ilııar Áshirov (80 kg), Dáýren Mamyr (86 kg), Nurasyl Asylhan (+92 kg).
- 22–23 aqpan aralyǵynda Bakýde batýt pen tamblıngte sekirýden Álem kýboginiń jalaýy jelbireıdi. Jarysta osydan eki jyl buryn dara shyǵyp, byltyr Parıj Olımpıadasyna qatysqan Danıl Musabaev ta óner kórsetedi. Danılden bólek, Nıkıta Tımakov, Roman Barkov, Erlan Tasmaǵambetov, Vıktorııa Býtolına (batýt), Aleksandr Romahovqa (tamblıng) senim artylyp otyr.
- Nıderlandta shahmattan «Tata Steel Chess Tournament 202» týrnıri aıaqtaldy. «Challengers» sanatyna enetin jarysta Qazybek Nógerbek taǵy eki memlekettiń ókilimen birge 6–8 oryndy ózara bólisti. Bas júldeni úndistandyq Pragnanandha Rameshbabý oljalasa, onyń otandasy Gýkesh Dommaradjý kúmis medaldi ıelendi. Qola júlde ózbekstandyq Nodırbek Abdýsattorovqa buıyrdy.
- Bokstan álem, Azııa chempıony Mılana Safronova kásipqoı rıngte judyryqtasýǵa bel býǵanyn resmı túrde jarııa etti. 33 jastaǵy Qaraǵandy oblysy, Saran qalasynyń týmasy osydan birer kún buryn ǵana Taılandta jattyǵyp qaıtty. Qazirde Máskeýde óziniń alǵashqy jattyqtyrýshysy Zahar Rýtenbergpen birge aldaǵy jekpe-jekke daıyndalyp jatyr.
- Madrıdtiń «Realy» bir maýsymda 1 mıllıard eýrodan asa paıda tapqan tuńǵysh fýtbol komandasy retinde tarıhta qaldy. Naqtylap aıtsaq, koroldik klýbtyń 2023–2024 jylǵy tabysy 1,046 mlrd eýrony qurady. Odan keıingi satylarǵa myna komandalar jaıǵasty: «Manchester Sıtı» (838 mln), PSJ (806 mln), «Manchester Iýnaıted» (771 mln), «Bavarııa» (765 mln), «Barselona» (760,3 mln), «Arsenal» (717 mln), «Lıverpýl» (715 mln), «Tottenhem» (615 mln), «Chelsı» (546 mln). Bul aqparatty «Deloitte» dep atalatyn halyqaralyq aýdıtorlyq kompanııa taratyp otyr.
- ÝEFA Eýropa lıgasynyń pleı-off saıystarynda myna komandalar ózara kúsh synasady: «Ferensvarosh» – «Vıktorııa (Plzen)», «Tvente» – «Býdıo-Glımt», «Sent-Jıllýaz» – «Aıaks», «AZ Alkmaar» – «Galatasaraı», «Portý» – «Roma», «Fenerbahche» – «Anderleht», PAOK – «Stıaýa», «Mıdtıýllann» – «Real Sosedad». Kezeńdik jarysta alǵashqy segiz oryndy ıelengen «Lasıo», «Atletık», «Manchester Iýnaıted», «Totenhem», «Aıntraht», «Leon», «Olımpıakos», «Reındjers» birden 1/8 fınalǵa shyǵyp otyr.
- Ulybrıtanııanyń GiveMeSport portaly eń kóp jalaqy alatyn fýtbolshylardyń tizimin jarııalady. Kósh basynda – Krıshtıaný Ronaldý. «Ál-Nasrdyń» sapynda jasyndaı jarqyldap júrgen portýgalııalyq surmergen aptasyna 3,231 mln fýnt-sterlıng alady. Ekinshi orynda Saýd Arabııasynyń chempıonatynda óner kórsetip júrgen taǵy bir juldyz – Kárim Benzema. «Ál-Ittahanyń» kapıtanynyń tabysy – 1,607 mıllıon. Úzdik úshtikti Robert Levandovskı túıindep tur. «Barselonanyń» betkeustarynyń aptalyq jalaqysy – 538 myń. Sondaı-aq TOP-10-dyqtyń qataryna myna teńbil dop sheberleri endi: Erlıng Holand – 525 myń, Kılıan Mbappe – 502 myń, Aıven Tonı – 412 myń, Harrı Keın – 404 myń, Aleksandr Mıtrovıch – 404 myń, Djon Dýran – 322 myń, Dýshan Vlahovıch – 314 myń.
