Foto: Polisia.kz.
IIM málimetinshe, jergilikti turǵynǵa AQSh-tan marıhýana men esirtkisi bar marmelad salynǵan sálemdeme kelgen. Sonymen qatar kúdiktiniń turǵylyqty jerin tintý barysynda jasyl tústi, erekshe ıisi bar, ósimdik tektes zat salynǵan 27 qaptama tabylyp, tárkilengen.
«Sot-hımııalyq saraptama taǵaıyndaldy. Jedel is-sharalar barysynda kúdiktiniń qylmystyq sálemdemeni qandaı maqsatpen alǵany jáne qalamyzdy esirtkimen qamtamasyz etý arnasy anyqtalatyn bolady. Atalǵan derek boıynsha qylmystyq is qozǵaldy. QR QK-niń 201-babyna sáıkes ózge aqparat tergeý múddesine oraı jarııa etilmeıdi. QR Konstıtýsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady», delingen habarlamada.
Aıta keteıik, buǵan deıin Almaty oblysynyń turǵyny Telegram messendjerin paıdalanyp, Taılandtan esirtkige tapsyrys bergeni úshin 16 jylǵa bas bostandyǵynan aıyrylǵan edi.
