Beıbit ómirdiń ǵana nany tátti

Men – Uly Otan soǵysynyń qyrǵynyn kórgen adammyn. Odan keıingi beıbit ómirdiń nanyn mańdaı terimmen taptym, statıstıka salasynda qyzmet istedim, Qazaqstannyń da­mýyna mysqaldaı bolsa da óz úlesimdi qos­tym, otbasyn terbetip, bala tárbıelep, solar­dan shópshegimdi súıip otyrǵan baqytty janmyn. О́z ómirimdi tizbelep otyr­ǵanym, meniń soǵystan aman qaıtqannan keıingi Qazaq­­standaǵy baqytty ómirim tek beıbitshiliktiń arqasy ekenin aıtý edi. О́zim Qazaqstannyń týmasymyn, osy Qostanaı qalasynyń irgesindegi aýylda týyp-óstim. Beıbitshiliktiń ózi eldiń ishindegi ulttar men ulystardyń, syrttaǵy memleket arasyn­daǵy tatý ómir súrý ǵoı. Tutas el túgil, bir otbasynda bir kún urys bolsa, sol úıden bereke ketedi. Keńqoltyq qazaq jerin­deı qasıetti meken bar ma eken? Bul jerdiń qasıe­tiniń ózi halqynyń qanynda bar qonaq­jaılylyǵy men qanǵa sińgen adamger­shiliginde jatyr. Muny tarıh ta jaqsy biledi, búgin de osy keń dalany jaılaǵan, onyń sýyn iship, otyn ottaǵan ár ulys sezinedi. Elbasy Nursultan Nazarbaev Qazaqstan óz aldyna el bolǵan soń aldymen saıasatty qoıa turyp, ekonomıkany damytý men halyq birligin tý etip ustady. Qazaǵy, orysy, ýkraıny, tatary, ázerbaıjany, ózbegi, evreıi, basqasy bar jumǵan judyryqtaı birlikte ómir súrip kelemiz. Men on tórt jyldan beri ardagerler keńesin basqaryp kelemin. Densaýly­­ǵymyzdyń jetkeninshe qoǵamdyq jumysqa belsene aralasamyz. Sonda qaısymyzdyń aýzymyzǵa aldymen túsetini – ulttar bir­­ligi, beıbit ómir. О́ıtkeni, balalarymyz, ne­merelerimiz biz kórgen tozaqty kór­meýi tıis. Ýkraına týraly berilip jatatyn­ habar­lardy qazir tyńdaı almaımyn. Ondaǵy tógilgen qan týraly estýge meniń densaýlyǵym jetpeıtin bolyp júr. HHI ǵasyrda barlyq ǵylymdy, ónerdi damytqan adamzattyń aqyly qan tókpeýge jetpeı jatsa ne aıtasyń? Mektepke, oqý oryndaryna ­jastarmen kezdesýge jıi shaqy­rady. Sonda sózdi aldymen beıbit­shilik, ulttar dostyǵy týraly bastaımyn. Bizdiń elimizdegi ulttar arasyndaǵy birlik, syılastyq sol qan tógip jatqan eldiń barlyǵyna úlgi bolǵandaı. Kóshede ketip bara jatsam, Qostanaıdaǵy qaı ulttyń ókili bolsa da meniń aldymnan kesip ótpeıdi. Qaı ulttyń ókili bolsyn tanyǵany kelip qolymdy alyp sálem beredi. Tek men emes, ardagerlerdiń barlyǵy da osyndaı syı-qurmetti sezinedi. Al bul – keıingi urpaqqa da mol tárbıe. Ulttar birligi joq elde mundaı syılastyq bolmaıdy. Qazaqstannyń bolashaǵy óte jarqyn. О́ıtkeni, birlik bar jerde bereke bar. Meniń baqytym da osy. Mıhaıl PODOLIаKOV, Qostanaı qalalyq ardagerler keńesiniń tóraǵasy, Uly Otan soǵysynyń ardageri. QOSTANAI.