Bıyl alyp tulǵanyń týǵanyna 210 jyl tolyp otyr. Osy aıtýly dataǵa oraı jarııalanǵan maqalada ǵalym qazaqtyń aqyndyq ónerin bıikke kótergen birtýar dúldúldiń eńbegin aıshyqty kórsetken. Sondaı-aq ýaqyt ótken saıyn aqyn murasynyń kórkemdik-estetıkalyq baılyǵy men qundylyǵy jarqyraı túskenin kórkem zerdelegen.
Soǵan oraı Qazaqstan Respýblıkasynyń Memlekettik keńesshisi Erlan Qarın ál-Farabı atyndaǵy Qazaq ulttyq ýnıversıtetiniń professory Janǵara Dádebaevqa «Egemen Qazaqstan» gazetinde jarııalanǵan aqıyq aqyn Súıinbaı Aronuly týraly maqalasy úshin Alǵys hat joldady. Alǵys hatta Erlan Tynymbaıuly aqyndyq óner týraly qoǵamdyq, áleýmettik mańyzy tereń oı aıtqan maqala avtoryna rızashylyǵyn bildirgen. Osyǵan baılanysty tanymal ádebıettanýshy basylymǵa joldaǵan hatynda Memlekettik keńesshi men «Egemen Qazaqstan» gazeti ujymyna zor qurmetin jetkizdi.
