Prezıdent tapsyrmasynyń oryndalý barysy pysyqtaldy

Otyrysty ashqan Máýlen Áshimbaev Memleket basshysy bıznes ókilderimen kezdesý barysynda salyq reformasyn júrgizýde bilikti sarapshylardyń, kásip­kerler men depýtattardyń birlesken jumysy aıryqsha mańyzǵa ıe ekenin atap ót­kenine nazar aýdardy. Osyǵan baılanys­ty Senat tóraǵasy barlyq múddeli tarapty Prezıdenttiń tapsyrmalaryn iske asyrýdy zańnamalyq turǵydan qamtamasyz etý úshin birlesip tıimdi jumys isteýge shaqyrdy.

Bıýroda senatorlar osy aptada ót­kiziletin is-sharalardy da pysyqtady. Senat komıtetteri múddeli memlekettik organdar ókilderiniń qatysýymen «Tórelik týraly» zańdy iske asyrýǵa jáne ony odan ári damytý perspektıvalary», sondaı-aq áskerı avıasııany damytý jáne eldiń áskerı-áýe kúshteriniń jaýyngerlik daıyndyǵyn arttyrý máseleleri jóninde otyrystar ótkizedi.

Zeınetaqy aktıvterin basqarýdyń tıimdiligin arttyrýǵa arnalǵan dóńgelek ústelde osy saladaǵy ózekti máseleler men naqty usynystar qaralyp, talqylanady.

Sonymen qatar «Qazaqstan Respýblı­kasynda avtomobıl joldaryn salý jáne paıdalaný: aǵymdaǵy jaı-kúıi, ózekti máseleleri men olardy sheshý jol­dary» taqyrybymen ótetin Úkimet saǵaty­na daıyndyq aıasynda senatorlardyń «QazAvtoJol» UK» AQ basshylyǵymen kezdesýi josparlanǵan.

Aldaǵy beısenbide ótetin Senat otyrysynda depýtattar «Túrkistan qalasynyń erekshe mártebesi týraly» zańdy jáne oǵan ilespe «Qazaqstan Respýblıkasynyń keıbir zańnamalyq aktilerine Túrkistan qala­synyń erekshe mártebesi jáne sheteldegi mádenıet ortalyqtary máseleleri boıyn­sha ózgerister men tolyqtyrýlar engizý týraly» zańdy qaraıdy. Atalǵan zańnyń maqsaty – Túrkistan qalasynyń Qazaqstan Respýblıkasynyń rýhanı-mádenı jáne tarıhı ortalyǵy retindegi erekshe mártebesin aıqyndaıtyn quqyqtyq negizderdi retteý. Naqty aıtqanda, Túrkistan qalasynyń tarıhı eskertkishteri men tarıhı-mádenı muralaryn, onyń ishinde Qoja Ahmet Iаsaýı kesenesiniń kúzet aımaqtarynda ornalasqan tarıhı nysandardy basqarýdyń, saqtaýdyń, olardy ustap turýdyń tıimdi júıesin qurý tetikteri aıqyndalady. Qujattaǵy birqatar norma tarıhı-mádenı murany saqtaýǵa, damytýǵa, jandandyrýǵa jáne ulttyq qolónerdi órkendetýge, sondaı-aq Túrkistan qalasynyń halyqaralyq yntymaqtastyǵyn odan ári jandandyrýǵa arnalǵan.

Buǵan qosa bıýroda osyǵan deıin Májilisten kelip túsken zańdar jumys úshin Senattyń turaqty komıtetterine bólinip berildi.