- Elimizde USAID uıymy jabylsyn! LGBT jáne olardy qarjylandyratyn uıymdarǵa tyıym salynsyn! Qazaqstan memleketine syrttan kirgen qasirettiń biri LGBT uıymdarynyń astarly saıasaty men úgit-nasıhattary boldy!Bir jynysty qarym-qatynasty ashyq túrde nasıhattaǵan bul uıymdardyń ultqa baltashabar is-áreketteriniń urpaq úshin tıgizgen zııany orasan! Az halyqtyń jartysy bir jynysty bolyp ketse, ult retinde joıylý qaýpi týatyny aıtpasa da belgili. Ár memlekettiń ishinen iritki salyp, ydyratý úshin sol memlekettiń óskeleń urpaǵynyń sanasyna qol suǵý arqyly, quıtyrqy maqsattaryna jetedi! Sol sııaqty Qazaqstan memleketinde azǵyndyq baǵytynda jumys istep kelgen USAID (AQSh Halyqaralyq damý agenttiginiń) uıymynyń jabylýyna AQSh Prezıdenti Donald Tramptyń ózi buıryq berdi, - dep jazylǵan petısııada.
Avtor bul uıymnyń óz qyzmetin barlyq memleketterde toqtatyp jatqanyn atap ótedi.
-Mysaly, taıaýda Ázerbaıjan USAID-tyń qymetine tyıym saldy. Sondyqtan olardyń Qazaqstannan da ketýin jáne oǵan tyıym salynýyn talap etemiz! 2025 jyly 21 qańtarda AQSh Prezıdenti Donald Tramp LGBT uıymdarynyń is-áreketine, úgit-nasıhatyna tolyq tyıym saldy jáne AQSh-ta budan bulaı gender tek eki jynystan ǵana bolatynyn kesip aıtty!USAID (AQSh Halyqaralyq damý agenttigi) Qazaqstanǵa 1992 jyly kelgen, sol ýaqyttan beri jaqsy atty jamylyp, biraq is júzinde azǵyndyqqa, qoǵamdy ishten iritki salyp, búlinýge baǵyttalǵan jobalardy qarjylandyryp kelgen! Sonyń ishinde Qazaqstandaǵy gomoseksýalıster men transgenderlerdiń, ıaǵnı LGBT ókilderiniń jáne uıymdarynyń bizdiń elde paıda bolýyna sebepshi bolǵan jáne solardy qazaqstandyq qoǵam «durys» qabyldaýyna baǵyttalǵan jobalardy barynsha qarjylandyryp kelgen, - dep jazady avtor.
Derekke qaraǵanda, 2001-2024 jyldar aralyǵynda osy baǵytqa bólingen, ıaǵnı qarjylandyrǵan somanyń kólemi 2,07 mlrd dollardy quraǵan. Qarjy alǵan uıymdar óte kóp, sonyń ishinde elimizde belgili uıymdar, qoǵam belsendileri jáne quqyq qorǵaýshylar da bar.
- BAQ-ta jarııalanǵan aqparat boıynsha kelesi uıymdar men belsendiler USAID-ten tikeleı jáne senim bildirgen uıymdar arqyly qarjylandyrylǵan: «Feminita.kz», «Qadyr-qasıet», «Desenta», «Oyan, Qazaqstan» qoǵamdyq uıymdary, LGBT ókilderi - J.Sekerbaeva, G.Serjan jáne osy sııaqty uıymdar men LGBT ókilderi kóp. Kúmán týdyratyn uıymdar - «Fond Soros – Kazahstan», «Norvejskıı Helsınskıı Komıtet», «Fond ımenı Frıdrıha Eberta», «ILGA-Europe», «Fond Evrazııa Sentralnaıa Azııa», «COC Nederland», «NED», «NDI» osy jáne osy sııaqty uıymdardyń qarjylandyrýyn, baǵyttaryn, maqsattaryn, is-áreketterin, úgit-nasıhattaryn QR Úkimeti tarapynan tolyq tekserýin talap etemin! - deıdi qoǵam belsendisi.
Aıta keteıik, petısııanyń negizgi maqsaty - joǵaryda aıtylǵandardy eskere otyryp, Qazaqstan aýmaǵynda LGBT uıymdaryna jáne azǵyndyqty nasıhattap júrgen uıymdarǵa zań júzinde tolyqtaı qatań tyıym salý.
