Foto: polisia.kz
Ishki ister mınıstrliginiń habarlaýynsha, qylmystyq top saýda jelisiniń burynǵy qyzmetkerlerimen kelise otyryp, elektrondyq satý júıesine zańsyz kirý múmkindigin paıdalanyp, eki jyl ishinde jalpy somasy 450 mln teńgeden astam taýardy urlaǵan. Qylmystyq jolmen alynǵan tehnıka elimizdiń birneshe qalalarynda satylǵan.
«20-dan astam tintý is-sharalary ótkizildi, 120-dan astam túrli tehnıka, onyń ishinde belgili óndirýshilerdiń ondaǵan uıaly telefondary, iri kólemde aqsha, travmatıkalyq tapanshalar jáne ártúrli kalıbrli patrondar tárkilendi», dedi IIM uıymdasqan qylmysqa qarsy kúres departamentiniń ókili Qýandyq Alpys.
Atalǵan oqıǵaǵa qatysty asa iri mólsherdegi urlyq jáne alaıaqtyq faktileri boıynsha sotqa deıingi tergep-tekserý amaldary júrgizilip jatyr.
