Foto: Úkimet
Sammıt aıasynda Ǵalymjan Qoıshybaev «Qozǵalmaly progress: turaqty elderdi qalyptastyrýdaǵy memlekettik basqarýdyń tıimdiligi» taqyryptyq sessııasynda sóz sóılep, onda memlekettik ınstıtýttardy damytýdaǵy sıfrlyq transformasııanyń sheshýshi róline toqtaldy.
«Jyldam ózgeretin álemde syn-qaterlerge tez beıimdelip, memlekettik qyzmetterdi tıimdi kórsete bilý jáne qoǵamnyń senimin saqtap qalý óte mańyzdy máselege aınalyp otyr. Qazaqstannyń tájirıbesi kórsetkendeı, sıfrlyq transformasııa memlekettik basqarýdy jańǵyrtýdyń negizgi faktory bolyp sanalady. Búginde biz ozyq baǵdarlamalyq jasaqtama, jasandy ıntellekt, ımmersıvti tehnologııalar, kvanttyq esepteý, robototehnıka jáne bıoınjenerııany qamtıtyn tehnologııalyq revolıýsııany kórip otyrmyz», dep atap ótti ol.
Sapar barysynda Ǵalymjan Qoıshybaev BAÁ Mınıstrler kabıneti isteri jónindegi mınıstri Muhammed Abdalla Ál-Gergavımen kelissózder júrgizdi. Ekijaqty seriktestiktiń qazirgi jaǵdaıy men bolashaǵy talqylandy. Memlekettik basqarýdy damytý jáne jańǵyrtý salasyndaǵy buryn qol qoıylǵan yntymaqtastyq týraly Memorandýmdy iske asyrýǵa erekshe nazar aýdaryldy, onyń aıasynda Qazaqstan Úkimetiniń Apparaty BAÁ Úkimettik tájirıbe almasý keńsesimen ózara is-qımyl jasaıdy.
Yntymaqtastyq bastalǵannan beri elimizdiń memlekettik qyzmetshileri basqarýdyń ozyq ádisterin oqyp, tájirıbe almasty. Adamı áleýetti damytý, sıfrlyq transformasııa, jasandy ıntellektti qoldaný, básekege qabilettilikti arttyrý jáne t.b. boıynsha jumystar júrgizilip keledi. Qazaqstan Úkimettik akseleratorlardyń (Government Accelerators) tájirıbesin zerdelep, ozyq ádistemelerdi engizip jatyr.
Mundaı platformalar sheńberinde halyqaralyq ózara is-qımyl memleketaralyq baılanystardy nyǵaıtýǵa jáne qazaqstandyq sheshimderdi jahandyq deńgeıde ilgeriletýge yqpal etedi. 2024 jyly otandyq «Otbasynyń sıfrlyq kartasy» jobasy BAÁ-degi Dúnıejúzilik úkimettik sammıtinde «Inklıýzıvti sıfrlyq transformasııa» sanatynda 1300 ótinimniń arasynda eń úzdik dep tanyldy.
Is-sharaǵa birneshe el úkimetteriniń basshylary, halyqaralyq uıymdardyń ókilderi, memlekettik basqarý salasyndaǵy jetekshi sarapshylar, sondaı-aq 100-den asa eldiń delegasııalary qatysty.
