Sýret: instagram.com/upiir_pavlodar/
Onyń aıtýynsha, reformany iske asyrý kezinde elimizdiń bıýdjetine salyq túsimderi jyl saıyn 4-5 trln teńgege ósedi dep josparlanǵan. Negizgi jańalyqtyń biri – tabysy jylyna 15 mln teńgege deıingi jeke tulǵalar úshin jeke kásipker retinde tirkelmeý múmkindigi. Bul ózin-ózi jumyspen qamtyǵandardyń kóptegen sanatyna – kýrerlerge, taksı júrgizýshilerine jáne qolónershilerge – agregator operatorlarynyń platformalyq jumyspen qamtylýyn qajetsiz bıýrokratııalyq rásimdersiz paıdalanýǵa múmkindik beredi.
«Bul rejimde tórt paıyzdy alyp qoıý kózdelip otyr: ekeýi – zeınetaqy jarnasy, bireýi – medısınalyq saqtandyrý, bir paıyzy – áleýmettik aýdarymdar», dep túsindirdi E.Birjanov.
Buryn bir paıyzy jeke tabys salyǵyna ketken, biraq qazir bul aqsha ózin-ózi jumyspen qamtyǵandarda bolashaq zeınetaqy jáne áleýmettik jınaq retinde qalady. Tabys sheginen asqan jaǵdaıda kásipker QQS tóleýshi mártebesine aýysýǵa mindetti bolady.
Sonymen qatar vıse-mınıstr salyq júktemesiniń artýyna baılanysty azyq-túliktiń qymbattaýy týraly alańdatyp otyrǵan taqyrypty qozǵady. Ol aýylsharýashylyq ónimderine salyq salynbaıtynyna, al bólshek saýda salyǵy qoldanystaǵy kúıinde qalatynyna sendirdi. Sondaı-aq Qarjy mınıstrligi tıimsiz salyq jeńildikterin qysqartýdy, tabysy joǵary el azamattary úshin jeke tabys salyǵy boıynsha saralanǵan mólsherlemelerdi engizýdi qarastyryp otyr.
Úkimette bıýdjet kirisin ulǵaıtý úshin QQS mólsherlemesin 16%-ǵa deıin arttyrý talqylanýda, bul Ulttyq qordyń turaqty jaǵdaıyn saqtaýǵa jáne memlekettik basym jobalardy: ınvestorlardy nesıelendirý, AО́K ınstıtýttaryn damytý, el qorǵanysyna, TKSh jańǵyrtýǵa, jylý energetıkalyq jáne gaz tasymaldaý júıelerin damytýǵa, mashına jasaý, óńdeý ónerkásibi, sýmen jabdyqtaý jáne sý burý shyǵyndaryn jabýdy qarjylandyrýǵa múmkindik beredi.
«Keıingi birneshe jylda biz Ulttyq qordan qarajat aldyq, degenmen onyń basty mindeti – bolashaqqa salynǵan ınvestısııa», dep túsindirdi E.Birjanov.
Salyq reformalaryn usyna otyryp, Úkimet elimizdiń áleýmettik máselelerin sheshý úshin bıznesti qoldaý men bıýdjettik kiristi ulǵaıtý arasyndaǵy tepe-teńdikti saqtaýǵa nıetti. Vıse-mınıstrmen kezdesýde jergilikti kásipkerler saýaldaryn qoıyp, bastamalardy odan ári pysyqtaý kezinde qaralatyn óz usynystaryn engizýge múmkindik aldy.
