Foto: Ashyq derekkóz
Is Atyraý oblysynyń kámeletke tolmaǵandar isteri jónindegi mamandandyrylǵan aýdanaralyq sotynda qaralǵan. Is materıaldaryna sáıkes, muǵalim sabaq ústinde balany uryp-soqqan. Nátıjesinde sot-medısınalyq saraptamanyń qorytyndysy boıynsha balanyń oń jaq sanynda kógergen iz qalǵany anyqtalǵan.
Tárbıeshige qatygezdik tanytty degen aıyp taǵylyp, jınalǵan materıaldar negizinde onyń kinási tolyq dáleldengen.
Prokýror sottalýshyǵa belgili bir laýazymdardy nemese qyzmetpen aınalysý quqyǵynan 3 jyl merzimge aıyra otyryp, 80 aılyq eseptik kórsetkish mólsherinde aıyppul salý jazasyn taǵaıyndaýdy suraǵan.
Sottalýshy men onyń qorǵaýshysy óz kinásin tolyq moıyndap, keshirim surap, qatań jaza qoldanbaýdy ótingen. Jábirlenýshi tarap ta jazany jeńildetý týraly ótinish bildirgen.
Sot quqyq buzýshylyqtyń sıpatyn, onyń qoǵamdyq qaýiptilik dárejesin, sottalýshynyń jeke basyn, otbasylyq jaǵdaıyn eskergen.
Nátıjesinde Sot tárbıeshini QR QK 140-baby 2-bóligimen kináli dep tanyp, oǵan pedagogıkalyq laýazymdardy jáne kámeletke tolmaǵandarmen jumys isteýimen baılanysty laýazymdardy atqarý quqyǵynan 1 jyl merzimge aıyra otyryp, 80 aılyq eseptik kórsetkish mólsherinde (314 560 teńge) aıyppul jazasyn taǵaıyndady.
Sot úkimi zańdy kúshine engen joq.
