Foto: Oqý-aǵartý mınıstrligi
Avtomattandyrý júıesinde ýaqytqa qaraı shamnyń janyp-sónýin retteıtin ıntellektýaldy jaryq sensorlary, sondaı-aq damyǵan qaýipsizdik júıesi qarastyrylǵan. Munda qozǵalys PIR-datchıkteri, gaz jáne tútin sensorlary bar, olar yqtımal tótenshe jaǵdaılardyń aldyn alady. Al temperatýrany ólsheıtin jáne ylǵaldyq sensorlary jeldetý men jylytý júıesiniń jumysyn avtomatty túrde rettep, jaıly mıkroklımatty qamtamasyz etedi.
«Aqyldy úıdiń» barlyq fýnksııalaryn Bluetooth jáne Wi-Fi arqyly smartfonnan qashyqtan basqarýǵa bolady. Qaýip tóngen jaǵdaıda, máselen, gaz nemese tútin shyqqan kezde júıe dereý habarlama jiberedi, al zýmmerler men LCD-dıspleıler qaýip týraly eskertedi.
«Bizdiń jobamyz zamanaýı tehnologııalardyń baspanany qalaı jaıly ári qaýipsiz etetinin kórsetedi. Mysaly, gazdyń shyǵýyn júıe birden anyqtap, ıesine habarlama jiberedi», deıdi kolledj stýdenti Ǵabbas Baıazıtov.
Júıeniń barlyq elementterin stýdentter ózderi qurastyryp, baǵdarlamasyn jasaǵan. «Aqyldy úıdi» basqarýǵa arnalǵan mobıldi qosymsha Play Market pen App Store qosymshalarynda qoljetimdi. Bul joba osyndaı tehnologııalardy turǵyn úılerge qoıýdyń naqty perspektıvalaryn kórsetip, olardyń energııa tıimdiligi men qaýipsizdik deńgeıin arttyrady.
