Sýret: freepik.com
El aýmaǵynda burynnan bar, ıdentıfıkasııalyq kodtar derekqoryna (IKD) engizilgen telefondar eshqandaı shekteýsiz jumysyn jalǵastyrady. Bul jańashyldyq tirkeý júıesin odan ári jaqsartyp, alaıaqtyqqa qarsy kúresýge, tutynýshylardyń quqyǵyn qorǵaýǵa, mobıldi qurylǵyny paıdalaný qaýipsizdigin arttyrýǵa baǵyttalǵan.
Búginde elimizde, shamamen 3,7 mıllıon qaıtalanǵan IMEI-kody bar qurylǵy tirkelgen. Olardyń zańsyz ákelinýi aıtarlyqtaı ekonomıkalyq jáne áleýmettik másele týyndatady. Mundaı mobıldi qurylǵylar naryǵy qurylǵylardyń zańdy aınalymyn baqylaýdy qıyndatyp, telefon urlyǵynyń kóbeıýine yqpal etedi. Bir jaǵynan, ádiletsiz básekelestik týǵyzady. Osy máseleni sheshý maqsatynda jańa ereje engizilip, mobıldi qurylǵylar naryǵynyń ashyq ári qaýipsiz bolýyn qamtamasyz etý qarastyrylǵan.
Jańa erejege sáıkes tirkeý kezinde arnaıy júıemen mynadaı ólshemderdi tekseredi: birinshi – qurylǵy IMEI-kodynyń túpnusqalyǵy, ekinshi – IMEI-kodtyń GSMA halyqaralyq bazasynda urlanǵan, buǵattalǵan nemese joǵalǵan qurylǵylar tiziminde bolmaýy, úshinshi – qurylǵynyń elimizge zańdy túrde ákelingeni.
Qaısar QUSAIYN
