Atyraý oblysynyń ólketanýshylary qurastyrǵan ujymdyq eńbekke Qurmanǵazy aýdanynyń tamyrly tarıhy, topyraǵynan túlegen tulǵalarynyń ǵıbratty ǵumyry, kóne eskertkishteriniń bederli beınesi týraly jazylǵan zertteý maqalalar jınaqtalǵan.
Ardager jazýshy О́mirzaq Qajymǵalıuly kitaptyń óskeleń urpaqty eljandylyqqa, týǵan halqynyń dástúrin, ónerin tanyp-bilýge tárbıeleıtinin atap ótti.
Aqyn, Abaı atyndaǵy memlekettik syılyqtyń ıegeri Ǵalym Jaılybaı Atyraý aımaǵynyń qazaq tarıhynyń qalyptasýyndaǵy aıshyqty ornyn, mán men mańyzyn tarqatyp aıtty.
«О́lkeniń ózen-kóli jyr bolyp aǵylyp, qııa tasy kúı bolyp kúmbirlep turǵan Qurmanǵazynyń atyn alǵan aýdan elimiz úshin aıaýly da qadirli meken. Osyndaı ónegeli ólkeniń ótkenine shyraq jaǵar búgingi basqosý baıandy bolǵaı», dedi Ǵalym Jaılybaı.
