Kún tártibi naqtylandy

Depýtattardyń talqylaýy­na Kıpr Respýblıkasymen sottalǵan adamdardy berý týraly kelisimdi, sondaı-aq qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl jónindegi Eýrazııalyq top týraly kelisim jáne uıymnyń bıýdjetin qalyptastyrý men atqarý tártibi týraly erejege ózgerister engizý týraly ratıfıkasııalyq zań jobalaryn qaraý usynylady.

Ekinshi oqylymda depýtattar densaýlyq saqtaý salasyndaǵy normalardyń artyq (shamadan tys) zańnamalyq reglamenttelýin bolǵyzbaý máseleleri boıyn­sha zań jobasyn qaraıdy. Zań jo­basymen jumys barysyn­da depýtattar jekelegen normalardy pysyqtady. Atap aıtqanda, estý qabileti buzylǵan jáne múgedektigi joq adamdardy jergilikti bıýdjetter esebinen estý protezimen qamtamasyz etý, sondaı-aq tegin medısınalyq kómektiń kepildik berilgen kólemi sheńberinde kórsetiletin qyzmetter tizbe­sine onkologııalyq aýrýlardy erte anyqtaýǵa skrınıngtik zertteýlerdi engizý usynyldy.

Sonymen qatar bas bostan­dyǵynan aıyrýǵa nemese shartty túrde bas bostandyǵynan aıyrý­­ǵa baılanysty emes jazaǵa sottal­ǵ­an adamdardyń qumar oıyn­darǵa qatysýyna tyıym salýǵa baǵyttalǵan túzetýler engiziledi.

Sondaı-aq sporttyq is-shara­lardy ótkizý kezinde sport ǵı­marat­tarynyń ishinde ornalas­qan jar­na­many qospaǵanda, ǵıma­rat­­tar men qurylystar­da ornalastyrylǵan býkmekerlik keń­seler men totalızatorlardyń jar­namasyna tyıym salýǵa qatys­ty normalar, býkmekerlik keńseler men erekshe sporttyq baǵyt­taǵy BAQ-tyń ınternet-resýrs­taryndaǵy jarnamany qos­pa­ǵanda, onlaın-platfor­malar­da jáne basqa da BAQ-ta jáne uıaly baılanystyń abonent­tik qu­rylǵylaryna ornalasty­ryl­ǵan jarnamaǵa tyıym salýǵa baǵyttalǵan túzetýlerdi engizdi.

Kún tártibiniń jobasynda Májiliske kelip túsken jańa zań jobalary men Senattyń Bıýdjet kodeksine engizgen túzetýleri de bar.