Sondaı-aq departamenttiń shekara bólimshelerinde Aýǵan soǵysy ardagerleriniń qatysýymen jas sarbazdarǵa arnalǵan «Erlik sabaǵy» ótti.
О́tken tarıhty paraqtasaq, osydan týra 36 jyl buryn Keńes áskeri Aýǵan jerin tastap shyqty. Al 2001 jyldyń 8 aqpanynda tájik-aýǵan shekarasyndaǵy qaqtyǵystar toqtap, qazaqstandyq bitimgershilik batalony óziniń mıssııasyn aıaqtaǵan bolatyn. Sodan beri elimizde Aýǵan soǵysynyń jáne «ystyq núktege» balanǵan tájik-aýǵan shekarasynyń ardagerlerine qurmet kórsetip, jat elde erlikpen qaza tapqandardyń esimin máńgilik etýge arnalǵan sharalar ótip keledi.
Departament bastyǵy polkovnık Serik Tóleýhanov, shekara ardagerlerdiń «Zastava tarlandary» respýblıkalyq qoǵamdyq birlestiginiń Almaty qalalyq jáne oblystyq fılıaldarynyń atynan otstavkidegi general-maıor Marat Majıtov bastaǵan aýǵandyq ardagerlerdi Qarasaı taýdany boıynsha shekara basqarmasynyń jeke quramy saltanatty sap túzep qarsy aldy. Budan ári, jınalǵan qaýym eskertkishge gúl shoqtaryn qoıǵan soń, shara jat elde qaza tapqan jaýyngerlerdi bir mınýt únsizdikpen eske alýdan bastaldy.
– Shekarashylarymyz qaıda júrse de Otanǵa adal qyzmet etýdiń úlgisin kórsetip keledi. Aýǵanstanda ınternasıonaldyq boryshyn óteý kezinde eren erlik kórsetip, qurban bolǵan shekarashy qarýlastarymyz – bizdiń júregimizde máńgi saqtalady, – dedi jıynda sóz alǵan Aýǵan soǵysynyń ardageri Marat Álimjanuly.
Jıynnan keıin ardagerler shekara basqarmasynyń ótken shaǵyn konserttik baǵdarlamany tamashalady. Munda zal toly kórermenderdiń aldynda serjant Dastan Sembaevpen birge Temirbek Júrgenov atyndaǵy Qazaq Ulttyq óner akademııasynyń stýdentteri: Ulan Asker, Quzar Qumyrolla, Ersultan Ásetuly, Aldııar Júzbaıuly jáne Jomart Rahymberdiler óner kórsetti. Ásirese, shekarashy ónerpaz Dastan Sembaevtyń «Aýǵan jyry» atty Aýǵan soǵysyna 18 jasynda týǵan jerine qara tabytpen oralǵan órimdeı jas jigitter týraly áni jan tebirenterlik edi... Jigerdi janıtyn.
Tamara DÁÝLETBAEVA,
UQK Shekara qyzmetiniń zapastaǵy podpolkovnıgi.
