Ákimdik ókilderiniń aıtýynsha, zoobaqty qaıta jańartý jáne halyqaralyq standarttarǵa saı modernızasııalaý josparlanǵan.
«Almaty qalasynyń aýmaqtyq damý josparyna sáıkes, zoobaqty zoogeografııalyq qaǵıdattarǵa saı jańǵyrtý jáne qaıta qurý kózdelgen. Qaıta qurý jumystary 2028 jylǵa deıin kezeń-kezeńimen júzege asyrylady», – delingen basqarma habarlamasynda.
Resmı málimetke sáıkes, aldaǵy jańartý jumystary janýarlardyń ómir súrý jaǵdaıyn jaqsartyp, kelýshiler úshin yńǵaıly ári tartymdy orta qalyptastyrýǵa baǵyttalǵan.
