Jastardyń saıası mádenıeti men quqyqtyq, fılosofııalyq kózqarastaryn qalyptastyrýdy maqsat etken dáriste senator J. Asanov: «Álem qarqyndy ózgerýde, jáne memlekettik basqarý bul ózgeristerge sáıkes kelip qana qoımaı, olardan ozyq bolýy qajet», deıdi. Sarapshy zań salasyna kelgen kúnnen bastap, kásibı portfolıosyn bilim, bilik jáne daǵdymen ushtastyrǵanyn, izgilik pen adamgershilik ádildik tarazysynda árqashan da joǵary turatyny kásibı mamannyń basty ustanymy ekenin atap ótti.
Jastardyń ómirlik maqsaty, ustanymy,bolashaq qyzmet baǵdaryn sanaly túrde saralap, talǵap, óz múmkindikteri men qarym-qabiletin baǵyttaýy jetistikke jetýdiń negizi deıtin bolsaq, zańger ol qoǵamda ádildik qalyptastyratyn, aqıqatty aıtatyn, óz ortasyna kásibıligimen tanylatyn tulǵa bolyp qalyptasýy tıis.
Senatormen dáris bolashaq zańger, saıasatker, dıplomat mamandarmen qyzý-pikirtalasq jalǵasyp, stýdentter tolǵandyrǵan suraqtaryna jaýap aldy.
«Qazirgi memlekettik basqarý birqatar syn-tegeýrindermen betpe-bet kelýde. Onyń ishinde, memlekettik organdardyń jumys tıimdiligin arttyrý, sıfrlyq tehnologııalardy engizý, halyqpen ózara is-qımyldy jaqsartý jáne sheshim qabyldaý úderisiniń ashyqtyǵyn qamtamasyz etý máseleleri erekshe oryn alady. Búgingi tańda memlekettik menedjment mamandardan basqarýdyń zamanaýı quraldary, tabysty tájirıbeleri men turaqty memlekettik ınstıtýttardy damytýǵa yqpal etetin strategııalyq tásilder týraly tereń bilimdi talap etedi» dep atap ótti senator.
Dáristen alǵan áserimen bólisken stýdentIndıra Hasanova sarapshynyń kúrdeli jaǵdaılardy qarapaıym mysaldarmen túsindirip, kez kelgen jetistiktiń jolynda bilim men izdenis, mol tájirıbeniń qajet ekenin jastar tereń túsinýi qajettigin atap ótti. «Jańa zaman aǵymymen paıda bolǵan tehnologııalardy úırenip, ony kásibı kádege jaratý mańyzdy. Dáristi tyńdaı otyryp, alyp jatqan bilimim men bolashaq jumys ornyma qatysty tyń oılar paıda boldy. Endi men ómirde basty ne nársege nazar aýdarý qajettigi qaǵıdasyn kúndelikti ómirimde qoldanǵym keledi. Sondaı-aq kez kelgen iste óte muqııattylyqtyń qajet ekenin túsindim» deıdi ol.
«Sarapshynyń árbir sózinen tabandylyq pen úzdiksiz bilim alýdyń mańyzdy ekenin uǵyndym. Ásirese, sot júıesindegi tıimdi júrgizgenreformalary men úshin tereń zertteıtin keıs boldy. Sondaı-aq, qylmystyq jazalardy izgilendirý men túrmede otyrǵandar sanyn azaıtýdaǵy tájirıbesin jastar oqyp, bilgeni abzal. Bul qoǵamdaǵy áleýmettik ádilettiliktiń kórinisi ári nátıjesi ekeni daýsy» deıdi ýnıversıtet stýdenti Ásel Qurmanqulova.
Senator ótkizgen dáris stýdentterge ǵana emes, ýnıversıtettiń oqytýshy- professorlar quramy úshin de quqyqtyq júıe, basqarý jáne reformalarǵa qatysty mazmunǵa, paıdalyaqparattarǵa toly boldy.
