Sýret: turaninform.kz
Aldaǵy beısenbide ótetin Senat otyrysynda depýtattar «Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy ósimdikter karantıni jáne olardy qorǵaý salasyndaǵy yntymaqtastyq týraly kelisimdi ratıfıkasııalaý týraly» zańdy qaraıdy. Zańnyń maqsaty – fıtosanıtarlyq qaýipsizdikti qamtamasyz etý jáne eki memlekettiń aýmaǵynda karantındik zııandy organızmderdiń ákelinýi men taralýyn bolǵyzbaý úshin ósimdikter karantıni jáne olardy qorǵaý salasyndaǵy ekijaqty yntymaqtastyqty damytý.
Kelisimniń kúshi fıtosanıtarlyq sharalar turǵysynan, ásirese halyqaralyq tasymaldaý jaǵdaılarynda zıankester úshin jasyryný orny bola alatyn nemese olardyń taralýyn jeńildetetin kez kelgen ósimdikti, ósimdik ónimin, jınaý ornyn, qaptamany, tasymaldaýdy, konteınerdi, topyraqty jáne kez kelgen basqa organızmdi, obektini nemese materıaldy qosa alǵanda, karantınge jatqyzylǵan barlyq materıalǵa qoldanylady.
Sonymen qatar bıýroda depýtattar Senattyń is-sharalar josparyn iske asyrý aıasyndaǵy mindetterdi talqylady jáne buǵan deıin Parlament Májilisi qabyldaǵan zańdardy jumys úshin palata komıtetterine bólip berdi.
