Foto: Oqý-aǵartý mınıstrligi
«Balalar kitaphanasy» jobasy aıasynda mektep kitaphanalaryn damytý jáne oqýshylardyń kitap oqýǵa degen qyzyǵýshylyǵyn arttyrý baǵytynda júıeli jumystar júrgizilip jatyr.
Búginde mektep kitaphanalarynyń qoryna 1,6 mıllıon kórkem ádebıet qosylyp, jalpy kitap qory 141 mıllıonnan asqan.
«Memleket jyl saıyn mektep ınfraqurylymyn jaqsartýǵa qarajat bóledi. Bıyl modernızasııa aıasynda 800 mektep kitaphanasy jańartylyp, olardyń qory jańa kórkem ádebıetpen tolyqtyryldy. Sonymen qatar, kitaphanalardaǵy jıhazdar jańartyldy», dedi Infraqurylymdy damytý departamenti dırektorynyń orynbasary Roza Sembaeva.
Kitaphanashylardyń kásibı deńgeıin kóterý maqsatynda 2024 jyly 1 775 maman arnaıy kýrstan ótken. Onyń ishinde 1 239 mektep, 536 kolledj kitaphanashysy bar.
