Konsertte Qostanaı oblysy Jangeldın aýdanynyń Qonysbaı Ábil atyndaǵy «Ǵasyrlar pernesi» halyq ansambli, «Erkenaz» «úlgili» bı ansambli, «Balqadısha» jetigenshiler toby, birqatar oblystyq, respýblıkalyq baıqaýlardyń laýreaty Jolamanovtar otbasylyq ansambli óner kórsetedi.
Kórermender Farıza Búrkitbaı, Baıdos Qojasaǵıev, Jáýke Ońdaǵan, Dılara Qarekenova, Talǵat Sapabekov, Serik Alpysov, Serikbolsyn Ábikenov, Mıras Ábdikárim jáne Ashat pen Dıdar, Qanat pen Ásem dýetteriniń án-shashýyn tyńdap, tamashalaı alady.
Konserttik baǵdarlamadaǵy «Ǵasyrlar pernesi» halyq ansambliniń tartýyn aıryqsha atap ótýge bolady. 1974 jyly qazaqtyń birtýar azamaty О́zbekáli Jánibekovtiń janashyrlyǵymen qurylǵan ansamblge búginde Almas Seıilhan jetekshilik etedi.
Al B. Hamzın atyndaǵy óner mektebiniń «Erkenaz» bı ansambline ótken jyly Qazaqstan Respýblıkasy Mádenıet jáne aqparat mınıstriniń buıryǵymen «úlgili» ataǵyn alǵan edi.
Budan bólek DaNas shyǵarmashylyq ortalyǵynyń janynan qurylǵan «Balqadısha» jetigenshiler toby qazirdiń ózinde talaı bıikti baǵyndyryp úlgerdi. О́nerli ujymǵa Birjan sal atyndaǵy Kókshetaý mýzyka kolledjiniń túlegi, talantty jas Perızat Qalabaıqyzy jetekshilik jasaıdy.
Konserttiń «Torǵaıdan sálem» dep atalýy da beker emes. 1948 jyly Torǵaıdyń topjarǵany, Halyq aqyny Nurhan Ahmetbekov Qostanaıda ótken aýylsharýashylyǵy kórmesinde óziniń ataqty «Torǵaıdan sálem» tolǵaýyn oryndaǵany belgili.
