Foto: Vıdeodan alynǵan kadr
Ulttyq kólik qaýipsizdigi keńesiniń (NTSB) málimetinshe, soqtyǵys jergilikti ýaqyt boıynsha tańǵy saǵat 8:29-da bolǵan. Olar shaǵyn áýejaıdyń 12-jolaǵyna jaqyndaǵan kezde soqtyǵysqan.
Soqtyǵys saldarynan bir ushaq qulap, órtenip, úıindi metall men kúlge aınalǵan. Ekinshi ushaq jerge qona alǵan. Oǵan kelgen zaqymnyń kólemi áli anyqtalmaǵan.
Aıta keteıik, áýejaıdyń ústinen qoıý qara tútin kóterilip jatqanda, tótenshe jaǵdaılar qyzmeti apat ornyna jetken.
AQSh federaldy avıasııa basqarmasynyń (FAA) málimetinshe, ár ushaqta eki adam bolǵan. Oqıǵa ornynda eki adam kóz jumǵan, al qalǵan eki jolaýshynyń jaǵdaıy áli belgisiz.
Apat ornynda NTSB jáne FAA ókilderi oqıǵanyń sebepterin anyqtap jatyr, al sarapshylar soqtyǵysqanǵa deıingi ushqyshtardyń radıobaılanystaryn taldaý ústinde.
