Jasóspirimderge kerek kezdesý

Halyqtyń qarjylyq qaýip­sizdigin qamtamasyz etýdi kózdeıtin is-shara aıasynda atalǵan agenttikke qarasty oblystyq ekonomıkalyq tergeý departamentiniń ókilderi Qostanaıdaǵy Bilim-ın­no­va­sııa lıseıiniń oqý­shylarymen kez­desti. Basqosýda qarjy monı­torıngi salasynyń ardageri Álimjan Qabıev ekonomıkalyq qyl­mysqa qarsy kúres salasyndaǵy mol tájirı­besimen bólisip, tikeleı óziniń qa­tysýymen áshkerelengen qarjy
pı­ra­mıdalarynyń qylmystyq áre­keti, adamnyń senimine kirý úshin jıi paı­da­lanatyn ádis-amaldary týraly áńgimelep berdi.

Kezdesý barysynda ekonomıka­lyq tergeý departamentiniń mamany Ásemgúl Baljaqaeva «Qarjy pıramıdalary men dropperlerge qarsy kúres» taqyrybynda dáris oqyp, atalǵan alaıaqtyqtan saqta­nýdyń qaǵıdalaryn taldap, túsindirip berdi.

«Is-shara kópshiliktiń qarjylyq saýatyn arttyrýmen qatar, jastardyń boıynda quqyqtyq erejelerdi saqtaý jaýapkershiligin qalyptastyrýdy kózdeıdi. Alaıaqtar áleýmettik jelini paıdalanýshylardy kóbine jeńil tabys kózimen arbaıdy. Olardyń quryǵyna túsip qalyp jatqandardyń qatarynda jasóspirimder de kóp. Búgin oqýshylarmen kezdesý barysynda alaıaqtardyń sózine senip, adasyp, shalys basqan jastardyń taǵdyrynan naqty mysaldar keltirip, saqtandyryp jatýymyzdyń sebebi de  osy. Balalarǵa talaı adamdy taqyrǵa otyrǵyzyp ketken «ShiaTai» jobasy týraly aıtyp berdik. О́zderin Qytaıdyń farmasevtıkalyq kompanııasy retinde kórsetken qarjy pıramıdasy áleýmettik jelide otyr­ǵandarǵa farmasevtıkalyq zaýyt­tyń qury­lysyna, dári-dármekter men medı­sınalyq qurylǵylar óndirisine ınvestısııa salýdy usynǵan. Mysaly, 200 myń teńge salsańyz, jylyna 700 paıyzǵa deıin tabys túsiresiz dep sendiredi. Osylaısha, 3 mlrd teńge qarjysyn bergen 2,5 myńnan asa otandasymyz bir pıramıdaǵa aldanyp qalyp otyr. QMA jedel qyzmetiniń kúshimen pıramıdany uıymdastyrýshylar áshkerelenip, qylmystyq jaýapkershilikke tartyldy», deıdi maman.

Is-shara barysynda lıseı oqýshy­lary mamandarǵa suraq qoıyp, qar­jylyq qaýipsizdik máselesine qatysty oı bildirip otyrdy. Bala­lardyń pikirinshe, ınternettegi alaıaq­tardan keletin qaýipten saqtan­dy­ratyn mundaı kezdesýler zeınette otyrǵan qart kisilerge de qajet-aq.

Qostanaı oblysy