Foto: Úkimettiń baspasóz qyzmeti
Tótenshe jaǵdaılar mınıstri Shyńǵys Árinov, ónerkásip jáne qurylys mınıstri Qanat Sharlapaev jańa tásilder jáne eńbek qaýipsizdigi salasyndaǵy atqarylyp jatqan jumystar týraly baıandady. Keńeske eńbek jáne halyqty áleýmettik qorǵaý, sondaı-aq sıfrlyq damý, ınnovasııalar jáne aeroǵarysh ónerkásibi mınıstrleri qatysty.
«2030 jylǵa deıingi qaýipsiz eńbek tujyrymdamasy aıasynda nysandardy sıfrlandyrýdy eskere otyryp, normatıvtik-quqyqtyq aktiler qaıta qaralady, ónerkásip qaýipsizdigin, ǵylymdy damytýdy jáne tıisti ortalyqtar qurýdy qamtamasyz etetin nysandarǵa qoıylatyn, sondaı-aq memlekettik eńbek ınspektorynyń kadrlyq áleýeti men quqyqtyq mártebesin arttyrý jónindegi talaptar kúsheıtiledi», delingen habarlamada.
Qazirgi ýaqytta ónerkásip qaýipsizdigi boıynsha jekelegen talaptar qaıta qaralyp jatyr.
«Osylaısha, azamattyq qorǵaý jónindegi zań jobasy sheńberinde apattyq-qutqarý qyzmetterine qoıylatyn talaptar qatańdatylady, tıisti qyzmetterdiń fýnksııalaryn berý arqyly óndiristik baqylaýǵa qoıylatyn jekelegen talaptar kúsheıtilýde, sondaı-aq qaýipti óndiristik nysandar ıelerine jabdyqtardy jańartý jáne jańǵyrtý boıynsha jańa mindetter kózdelgen», dep habarlady vedomstvodan.
Sonymen qatar ónerkásiptik qaýipsizdik nysandary pasporttaryn jasaýǵa, apattardy esepke alýdy jáne basqa da prosesterdi avtomattandyrýǵa múmkindik beretin «E-KPB» aqparattyq júıesin iske qosý josparlanǵan.
Premer-mınıstr ónerkásip qaýipsizdigi salasyndaǵy baqylaý tetigine erekshe nazar aýdardy. Tótenshe jaǵdaılar mınıstrligi О́QM jáne EHÁQM-men birlesip, tekserý qorytyndysy boıynsha ónerkásiptik nysandar menshik ıeleri men basshylarynyń qaýipsiz eńbek jaǵdaılaryn qamtamasyz etý boıynsha jaýapkershiligin kúsheıtý jóninde usynystar engizý tapsyryldy.
О́nerkásip jáne qurylys mınıstrligi Tótenshe jaǵdaılar, Ekologııa jáne tabıǵı resýrstar mınıstrlikterimen birlesip, ónerkásip qaýipsizdigi is-sharalaryn ýaqtyly qarjylandyrý úshin jer qoınaýyn paıdalanýshylardyń taý-ken jumystaryn júrgizý josparlaryna taldaý júrgizýi qajet. Sondaı-aq О́nerkásip jáne qurylys, Tótenshe jaǵdaılar mınıstrlikteri gazdar shyǵaryndylarymen baılanysty táýekelderdi azaıtý úshin shahtalardy aldyn ala gazsyzdandyrý normatıvterin ázirleýi qajet.
SDIAО́M otandyq IT-mamandarmen birlesip, ónerkásip qaýipsizdigin qamtamasyz etý boıynsha jańa sheshimder ázirleý tapsyryldy.
