-10 kún ishinde baǵa kúrt kóterildi. Mysaly, jergilikti qyryqqabat taýsyldy, mynaý ózbekstandyq ónim, biz ony 300 teńgege satamyz. Jergilikti kókónisterdiń qorlary taýsyldy. Biz jańa ónim kútemiz. Mamyrda baǵa tómendeýi kerek, - deıdi satýshy Sabyrjan Bektaev.
Elimizdi kókónispen qamtamasyz etip otyrǵan ońtústik óńirde baǵa kóterilse, kóp uzamaı basqa qalalarda da azyq-túlik ónimderi qymbattaı bastady. Ol – zańdylyq. Qazirdiń ózinde keıbir qalalarda qyryqqabat qymbattaǵan. Ásirese, Pavlodar, Aqtóbe, Semeı qalalarynda baǵa kúrt kóterilgen.
Ulttyq statıstıka bıýrosynyń málimetinshe, Qazaqstan boıynsha bir keli qyryqqabat orta eseppen 173 teńge turady.
Sondaı-aq qyzylsha 50 teńgege qymbattap, qazir onyń kelisi 300 teńgeden saýdalanyp jatyr.
Elimizdiń Ekonomıka mınıstrligi aldaǵy ýaqytta kókónis ónimderiniń baǵasy odan ári ósetinin boljap otyr. Bul jaǵdaıdy olar maýsymdyq kezeńmen baılanystyrady jáne aldaǵy bolatyn QQS-tyń kóterilýine qatysy joq dep esepteıdi.
Aıta keteıik, qazir Shymkent bazarlarynda kartoptyń kelisi 400 teńgeden satylyp jatyr. Al elimizdiń keıbir óńirlerinde baǵa budan da joǵary.
