Aımaqtar • 24 Aqpan, 2025

Kásipkerdi iri aıyppuldan qutqardy

70 ret

kórsetildi

1 mın

oqý úshin

Jambyl oblysyna qarasty Jambyl aýdanynyń prokýratýrasy jergilikti atqarýshy organnyń kásipkerlik sýbektisin terrorıstik turǵydan osal nysandardyń tizbesine negizsiz engizý deregin anyqtady, dep habarlaıdy Egemen.kz Jambyl oblysy prokýratýrasynyń baspasóz qyzmetine silteme jasap.

Tabıǵat MUSYLMANQUL

Atalǵan derek boıynsha baqylaýshy organdar tekserý jumysyn júrgizgen. Nátıjesinde aýdandyq prokýratýra qyzmetkerleri «Maqtaral» qoǵamdyq tamaqtaný ortalyǵynyń tehnıkalyq sıpattamalaryn zerdeleı kele, nysannyń joǵaryda atalǵan sanatqa jatpaıtynyn anyqtaǵan.

«Aýdandyq polısııa bólimi kásipkerlik sýbektisine qatysty tekserý júrgizip, nátıjesinde ÁQBtK-niń 149-babymen ákimshilik quqyq buzýshylyq týraly hattama toltyrǵan. Atalǵan quqyq buzýshylyq úshin 200 AEK nemese 738 400 teńge mólsherinde aıyppul kózdelgen.

Prokýrorlyq qadaǵalaý aktisimen tekserý taǵaıyndaý týraly qaýly men ákimshilik quqyq buzýshylyq týraly hattamanyń kúshi joıyldy, kináli laýazymdy tulǵalar tártiptik jaýaptylyqqa tartyldy. Sonymen qatar, Jambyl oblysy ákiminiń 14.01.2025 jylǵy qaýlysymen kásipkerlik sýbektisi terrorıstik turǵydan osal obektilerdiń tizbesinen alyndy», delingen oblystyq prokýratýranyń baspasóz qyzmeti taratqan aqparatta.