О́tkende ǵana kóńilin surap barǵanda saý kúnindegideı ótkir ázilimen kúldirip otyr edi. Ádiletti Qazaqstanda aldyńǵy qatarda Qazaqstannyń Eńbek eri ataǵyn alǵan asa kórnekti jazýshy-dramatýrg, Memlekettik syılyqtyń laýreaty Dýlat Isabekov aty álemge áıgili qalamger edi. Ulybrıtanııadaǵy Lordtar palatasynda sóılegen sonymen birge Londondaǵy ortalyq kitaphanaǵa shyǵarmasy qoıylǵan tuńǵysh jazýshymyz. Ulybrıtanııada 2014 jáne 2015 jyly qatarynan Dýlat Isabekovke arnalǵan aptalyq ótip, 2017 jyldyń 1-7 qazan aralyǵynda London qalasynda jazýshynyń 75 jyldyq mereıtoıyna oraı «Qazaq óneriniń festıvali» uıymdastyryldy.
Ulttyq múddemizdiń qorǵany bolǵan Dýlat Isabekov qaı kezde de aqıqatty aıta bildi. Halyq sózin sóıledi. Elimizdi, jerimizdi, tilimizdi, dilimizdi
qorǵady.
О́tkende kóńilin suraı barǵanda, saýmal iship, basyn kóterip, táýir bop qalǵan eken. Menen keıin kirgen belgili qalamgerler, ózi basqarǵan «Mádenıet» jýrnalynda talaı jyl orynbasary bolǵan Myrzan Kenjebaı inisi men Nurlybek Samatuly úsheýmizge burynǵydaı qaljyńdap, «tıisip» otyrdy. «Basqa kelse de, sen kelmeıtin shyǵarsyń» dep edim» dep Myrzekeńe qaljyńdady. Bárimiz shúıirkelesip áńgimelesip qalǵanymyzdy bir inimiz sýretke túsire qoıyp edi, «Túsip qalyńdar, erteń tiri kúninde túsken edik» dep júresińder» dep bir kúldirdi. Qoshtasyp ketip bara jatqanda, «erteń «Dýlat Isabekov qaıtys boldy» degendi gazetten oqymaı, jıi habarlasyp turyńdar úıge, Sholpanǵa telefon soǵyp…» dedi taǵy da ázil-shynyn aralastyryp. Bul fánı dúnıedegi sońǵy kúnder men sońǵy saǵattardyń sýyq syrtyly jaqyndap kele jatqanyn sezip tursa da, ajaldyń ózimen oınap otyrǵan qaıran ór rýhty, er kókem-aı dep, ishteı kúrsinip tursam da, kúlimsirep qoshtasqan edik. Sol sońǵy kórýimiz eken.
Alla aldynan jarylqaǵaı! Qalyń qazaqqa kóńil aıtamyz... Otbasyna, uly Estııar baýyrymyz ben qyzdary Sholpan men Aımanǵa, týǵan-týystaryna kóńil aıtamyz...
Peıishte rýhy shalqysyn!
Qazybek ISA,
Májilis depýtaty, aqyn
