Foto: olympic.kz
Búgin rıngke áıelder quramasy da kóteriledi. 50 kelide baq synaıtyn Gúlnar Turappaı aǵylshyn Oakleı Kelseıge qarsylas atanyp otyr. 57 kelide Qazaqstan namysyn qorǵaıtyn Zabynbekova Aıdana Caccıc Nıkolınamen ózara kim myqtyny anyqtaıdy. 63 kelide Janǵabaeva Arýjan da alǵashqy jekpe-jegin búgin ótkizedi.
75 kelide Baıazıtova Anastasııa qytaılyq Lı Hıanǵa qarsy sharshy alańǵa kóteriledi.
Erler quramasy sapynan 51 kelide Aldamjarov Bekzat fransııalyqtan aılasyn asyrýǵa kúsh salady. 63, 5 kelide Zeınýllınov Ertýǵan bolgarııalyq Lısovyı Vladıslavpen qolǵap túıistiredi. Osy salmaqtaǵy el quramasynyń kóshbasshysy Muhammedsabyr Bazarbaıuly grýzııalyqqa qarsylas bolyp otyr. 80 kelide Erasyl Jaqpekov pákistandyq Ihbal Ýmaısqa qarsy jekpe-jek ótkizedi.
86 kelide Parıj Olımpıadasynyń kúmis júldegeri Oralbaı Nurbek jergilikti boksshymen kelesi kezeń joldamasyn sarapqa salady. Osy salmaqta óner kórsetetin taǵy bir otandasymyz Nurdáýletov Bekzat ózbekstandyq Isroılov Akmaljonmen judyryqtasady. +92 keli salmaqta Aıbek Oralbaı pákistandyq Tahır Abdýl Ýaqaptan basym bolýǵa umtylady.
Búgingi boks básekesiniń kúndizgi sessııasy Astana ýaqytymen 17: 00-de, keshki sessııasy 20: 00-de bastalady. Bolgarııa boks federasııasynyń ıýtýb arnasy jarysty tikeleı efırde usynady.
