Ulytaý oblysynyń ákimdigi men Kazsınk kompanııasy arasyndaǵy yntymaqtastyq 2022 jyldyń qarasha aıynda bastaldy. Sodan beri aımaqtyń damýyna jáne onyń turǵyndarynyń ómir súrý deńgeıin arttyrýǵa oń áser etken kóptegen jobalar iske asyryldy.
Búgin Ulytaý oblysynyń ákimdigi men «Kazsınk» JShS arasynda ekijaqty yntymaqtastyq pen ózara is-qımyl týraly memorandýmǵa qol qoıý rásimi ótti.
Bul kelisim Ulytaý oblysynyń ekonomıkalyq damýyn qoldaýǵa, áleýmettik jáne ınfraqurylymdyq jobalardy júzege asyrýǵa baǵyttalǵan. Qujatqa qol qoıý barysynda Ulytaý oblysynyń ákimi Dastan Ryspekov jáne «Kazsınk» JShS bas dırektory Janat Janbotın eki taraptyń seriktestigi óńirdiń turaqty damýyna eleýli úles qosatynyn atap ótti.
Qujatqa sáıkes, «Kazsınk» JShS bıyl Ulytaý oblysyndaǵy Jáırem kentinde iske asyrylyp jatqan 10 áleýmettik jobany qarjylandyrady. Bul jobalar densaýlyq saqtaý, sport, ınfraqurylym jáne áleýmettik nysandardy abattandyrý salalaryn qamtıdy.
2025 jylǵa arnalǵan iri bastamalardyń ishinde tómendegilerdi atap ótýge bolady: sport kesheniniń qurylysy, 60 páterli turǵyn úı qurylysy jobasy aıasynda syrtqy jelilerdi ornatý jáne aýmaqty abattandyrý jumystary, sondaı-aq, qazandyq jáne turǵyn úıler úshin kómir satyp alý. Budan basqa, dárigerler men muǵalimderdi qosa alǵanda, bıýdjet salasynyń qyzmetkerleri úshin 20 páter satyp alý josparda bar.
