Osy forým aıasynda Halyqaralyq ınjenerlik-tehnologııalyq ýnıversıtetinde Qytaı eliniń bilim, ǵylym salalaryndaǵy ozyq tehnologııalaryn bólisýge daıyn kompanııalarmen yntymaqtasa otyryp Szınshı ınstıtýty ashylyp, óz jumysyn bastady.
Szınshı ınstıtýty («Munaı-hımııalyq tehnologııa» mamandyǵy boıynsha) - bul HUATEC, Qazaqstan halyqaralyq ınjenerlik-tehnologııalyq ýnıversıteti jáne Shyńjań qoldanbaly tehnologııa ınstıtýty birlesip salǵan halyqaralyq bilim berý jobasy. HUATEC ónerkásip pen bilim ıntegrasııasy kásipornynyń resýrstyq artyqshylyqtaryna tolyq múmkindik beredi, qytaı jáne qazaq joǵary oqý oryndary arasynda akademııalyq almasý jáne talanttardy oqytý úshin platforma quryp, Qytaı men Qazaqstan arasyndaǵy mádenı almasýdy ilgeriletedi.
Forýmda sóz alǵan Halyqaralyq ınjenerlik-tehnologııalyq ýnıversıtetiniń rektory Gúlnar Sársenbekova:
«Bilim – kez kelgen memleket órkendeýiniń negizi. Bizdiń ýnıversıtet dıalog pen jańa múmkindikterge ashyq. Eki el arasyndaǵy yntymaqtastyq seriktestigi bilim men ǵylymnyń qarqyndy damýyna negiz bolady. Forýmnyń basty kezeńi - Szınshı ınstıtýtynyń METU ýnıversıtetinde ashylýy. Szınshı ınstıtýtynyń ónerkásip-bilim ıntegrasııasy salasyndaǵy eren eńbegi halyqaralyq dárejede moıyndalýda. Álemdik deńgeıdegi ozyq tehnologııalarmen bólisýdi maqsat tutqan búgingi ıgi shara - Uly Jibek jolyndaǵy eki eldiń bolashaqqa umtylýdaǵy qundylyqtary men úmitterin arttyrady», dep atap ótti.
Qytaı Bilim mınıstrligi qytaı-shetel mádenı almasý ortalyǵynyń dırektory Iý Chansıýe eki eldiń tatý kórshi, senimi joǵary dos, ózara tabysqa qol jetkizgen jaqsy seriktes ekenin jetkizdi.
«Keıingi jyldary eki el basshylarynyń birlesken basshylyǵymen Qytaı men Qazaqstan jan-jaqty strategııalyq yntymaqtastyq seriktestigi odan ári tereńdeı túsip, mádenı almasýy ekijaqty qarym-qatynastyń mańyzdy tuǵyryna aınaldy. Bilim berý ol mádenı almasýdyń mańyzdy bóligi retinde jemisti nátıjelerge qol jetkizdi. Szınshı jobasy júzege asty. Bul joba «JOO-JOO-kásiporyn» birlesken bilim berý úlgisin jańartady, Qytaıda «Szınshı halyqaralyq ınstıtýt» jáne shetelde «Szınshı ınstıtýt» qurylysynan bastalady. Jobada halyqaralyq oqytý platformasyn jasaıdy,, halyqaralyq oqý baǵdarlamalarynyń resýrstaryn ázirleıdi, halyqaralyq kásibı qurylys standarttaryn qalyptastyrady jáne halyqaralyq qoldanbaly tehnıkalyq daryndylardy tárbıeleıdi. Joba júzege asyrylǵaly beri sońǵy bes jyl ishinde Qazaqstanda, Taılandta, Laosta, Kambodjada, Reseıde, Egıpette jáne basqa da elderde 30 «Szınshı ınstıtýt» salyndy», dedi Iý Chansıýe.
Forým barysynda halyqaralyq ınjenerlik-tehnologııalyq ýnıversıtetiniń rektory Gúlnar Sársenbekova men Qytaıdyń Szınshı ınstıtýtyn salý boıynsha Nankın polıteh ınstıtýtynyń rektory Chjan Sıaoszıýn yntymaqtastyq týraly memorandýmǵa, sonymen birge Szılın elektrondy aqparat kásiptik kolledji partııa komıteti hatshysynyń orynbasary Shı Hýnfamen birge yntymaqtastyq týraly memorandýmǵa qol qoıdy.
