Erler arasynda baq synaıtyn eń beldi balýandarymyz – Maǵjan Shamshıddın (60 kg) men Abylaıhan Jubanazar (81 kg). Olardyń ekeýi de ár jyldary Grand Slem men Gran-prı týrnırlerinde atoı salyp, qurlyqtyq deńgeıdegi dodalarda san márte júlde aldy. Tájirıbeleri tolysqan tarlandardyń qataryna Eset Qýanov (73 kg) pen Aıdar Arapovty (90 kg) qosýǵa bolady. Asa aýyr salmaqta kezinde «Qazaqstan barysy» atanǵan Elaman Erǵalıevke (+100 kg) erekshe senim artylyp otyr. Sondaı-aq Áljan Nurádil (60 kg), Bomsha Erdáýlet (66 kg), Erjan Erenǵaıypov (66 kg), Baqytjan Ábdirahmanov (73 kg), Ermahan Ánýarbek (90 kg), Beıbit Mádıev (100 kg), Marat Baıqamov (100 kg) jarys kórigin qyzdyrady.
Áıelder arasynda Ǵalııa Tynbaeva (48 kg), Esmıgúl Kýıýlova (63 kg), Krıstına Sotnıkova (70 kg), Arýna Jangeldına (78 kg), Nazgúl Maratova (+78 kg) syndy saqa sportshylar saıysqa túsedi. Olardan bólek, Tashkent tatamıinde Dıana Býrkeeva (48 kg), Qundyz Jylqybaı (52 kg), Baqyt Qusaqbaeva (57 kg) beldesedi.
