Foto: Ashyq derekkóz
«Robot – sot oryndaýshysy» jobasyn iske qosý arqyly atalǵan sıfrlyq sheshimdi qoldaný nátıjeleri qaraldy. Máselen, robot iske qosylǵan 2024 jyldyń tamyz aıynan beri 125 myńnan astam qujat oryndalǵan. Al, rásimderden ótý kezinde azamattar 600 mln teńgeden astam qarajat únemdegen», delingen habarlamada.
Premer-mınıstr Ádilet mınıstrligine atqarý qujattarynyń ońaılatylǵan tártippen oryndaýǵa bolatyn tizbesin keńeıtýdi tapsyrdy, bul – sot aktilerin oryndaýdyń tıimdiligin arttyrady.
Sonymen qatar elimizdiń jedeldetilgen áleýmettik-ekonomıkalyq damýy úshin memlekettik basqarý júıesin bıýrokratııadan aryltý boıynsha Prezıdent alǵa qoıǵan mindetterdi iske asyrýǵa erekshe nazar aýdaryldy.
«Memleket basshysy Úkimettiń keńeıtilgen otyrysynda barlyq salada sıfrlandyrýdyń birtutas júıesin qurý qajettigin atap ótti. Bul jumys jappaı júrgizilip jatyr. Ádilet organdaryn damytý men sıfrlandyrý – memlekettiń, azamattardyń jáne bıznestiń zańdy múddelerin qorǵaýǵa baǵyttalǵan asa mańyzdy úderis. Osy oraıda, jasandy ıntellektini damytý aldyńǵy qatarǵa shyqty. Bul – bıýrokratııadan aryltýdyń negizgi ádisteriniń biri. Sondyqtan kórsetiletin qyzmetterdiń jedeldigin, qoljetimdiligi men sapasyn arttyrý úshin sıfrlyq tehnologııalardyń áleýetin túgel paıdalaný qajet», dedi Oljas Bektenov.
