Foto: ashyq derekkóz
Vashıngton aýdarǵan qarjysyn qaıtarýdy talap etkennen keıin Kıev ekeýara tıimdi kelisimge kelýge shaqyrǵan.
Saıası sarapshylardyń boljamyna sáıkes, Ýkraına prezıdenti Vladımır Zelenskıı AQSh-qa baryp, kelisimge qol qoıýy múmkin jáne ol bul isti 28 aqpanda, juma kúni atqarýdy josparlap otyr.
«Árıne, eger ol menimen birge qol qoıǵysy kelse, qarsy bolmaımyn. Bul óte mańyzdy ekenin túsinemin», deıdi AQSh prezıdenti Donald Tramp.
Kelisimge sáıkes, arnaıy qor qurylyp, Ýkraına bolashaqta munaı, gaz jáne basqa da paıdaly qazbalardy óndirýden túsken tabystyń jartysyn osy qorǵa aýdaryp otyratyn bolady. Bul qor Ýkraınadaǵy jobalarǵa ınvestısııa quıýmen aınalysady.
Ýkraın sheneýnikteri osy kelisim Kıev pen Vashıngton arasyndaǵy qarym-qatynastardy jaqsartýǵa septigin tıgizedi dep úmittenip otyr.
Aıta keteıik, ótken aptada Donald Tramp Vladımır Zelenskııdi «zańsyz saılanǵan dıktator» dep atap, eger ol jaqyn arada beıbit kelisimge qol jetkizbese, eliniń bolashaǵy bolmaıtynyn málimdegen edi.
