Bul qujatqa 2023 jyldyń 8 maýsymynda Sochı qalasynda qol qoıylǵan.
Kelisimde Táýelsiz Memleketter Dostastyǵy elderi arasynda erkin saýda aımaǵyn turaqty damytý qamtamasyz etiledi. Sonymen qatar qatysýshy memleketterdiń ekonomıkalaryn ári qaraı damytý úshin qolaıly jaǵdaılar jasalady.
Qujatta ınvestısııalarmen baılanysty erejeler qamtylǵan, bul óz kezeginde TMD elderinde bıznes júrgizý úshin tıimdi jaǵdaılar qalyptastyrýǵa aıtarlyqtaı serpin beredi. Kelisim buǵan deıin jasalǵan ekijaqty ınvestısııalar qorǵaý jáne qoldaý týraly kelisimderdi tolyqtyryp, damytýǵa múmkindik beredi.
Ratıfıkasııalaý Qazaqstanǵa TMD elderimen saýda-ekonomıkalyq seriktestikti keńeıtýge, otandyq qyzmetterdiń eksportyn arttyrýǵa jáne elimizge ınvestısııalar kólemin ulǵaıtýǵa yqpal etedi.
