О́shpes dańq • 27 Aqpan, 2025

Birimjanovtyń jerlengen orny anyqtaldy

200 ret

kórsetildi

1 mın

oqý úshin

Halqymyzdyń ardaqty uldary – Reseı Memlekettik Dýmasynyń alǵashqy eki shaqyrylymynyń depýtaty, zańger Ahmet Birimjanov pen qoǵam qaıratkeri, alashshyl azamat Ǵazymbek Birimjanovtyń týǵan inisi Jumahan Birimjanov Ekinshi dúnıejúzilik soǵysta habarsyz ketkenderdiń qatarynda bolǵan edi. Alaıda 83 jyl ótken soń, onyń jerlengen orny anyqtalǵany jóninde habar shyqty.

Egemen Qazaqstan

Sýrette: Sol jaqta turǵan Jumahan Birimjanov

Jumahan Qorǵanbekuly Birimjanov – qatardaǵy jaýynger, 1919 jyly Qostanaı oblysy Torǵaı aýdany №3 aýylda (qazirgi Qostanaı oblysy Á.Jangeldın aýdanynda) dúnıege kelgen. El basyna kún týyp, surapyl soǵys bastalǵanda ol Almaty qalasy Frýnze aýdandyq áskerı komıssarıatynan shaqyrylyp, Otan qorǵaýǵa
attanady.

Soǵystan keıin habarsyz ketken sarbazdardyń esimi men jatqan jerin anyqtaý uzaq ýaqyt boıy múmkin bolmaǵan edi. Jumahan Birimjanov maıdan dalasyndaǵy aýyr shaıqastardyń birinde, 1942 jyldyń 19 jeltoqsanynda Reseıdiń Volgograd oblysy, Sovetskoe eldi mekeninde erlikpen qaza tapqan. Súıegi keıinnen Volgograd oblysy, Kalachevskıı aýdany Kalach-na-Doný qalasyndaǵy «Pavshıh borsov» alańynda ornalasqan baýyrlastar zıratyna qaıta jerlengen.

Bul jańalyq – soǵys jyldarynda sheıit ketken bozdaqtardyń urpaq jadynan eshqashan óshpeıtininiń taǵy bir dáleli. 83 jyl boıy qaraly belgisizdikke oranǵan jaýynger rýhy endi óz týystarynyń júreginde, el tarıhynyń jarqyn betterinde máńgilik saqtalmaq.

Samat JUMATAIULY,

Sh.Ýálıhanov atyndaǵy Tarıh jáne etnologııa ınstıtýtynyń ǵylymı qyzmetkeri